Klaus Gjasula ka kaluar nga ekipi i Bundesliga 2, SV Darmstadt 98 në Rot-Weiss Essen, në kategorinë e tretë të futbollit gjerman.
35-vjeçari ka kryer kontrollet mjekësore të hënën në mëngjes dhe më pas ka nënshkruar kontratën. Gjasulës do t’i jepet fanella me numrin 5 dhe do të fluturojë për në kampin stërvitor në Turqi me ekipin e tij të ri.
Gjatë këtij sezoni mori minuta fillimisht në dy takime si kapiten te Darmstad dhe më pas në dy të tjera si zëvendësues. Rot-Weiss ndodhet në zonën e ftohtë të renditjes dhe përvoja e Gjasulës në fazën mbrojtëse pritet t'i vlejë ekipit.
Vendim surprizë nga Gjasula që vetëm pak muaj më parë u tërhoq nga Kombëtarja. Ai ka luajtur 29 ndeshje për Shqipërinë. Goli i tij i vetëm erdhi në Kampionatin Evropian verën e kaluar, ku shënoi në kohën shtesë ndaj Kroacisë (2-2).
“Mezi pres atmosferën e mrekullueshme në Hafenstrasse. Do të bëj gjithçka për të siguruar që të mbledhim pikë sa më shpejt që të jetë e mundur për të qëndruar në ligë”, deklaroi Gjasula.
Gjasula ka luajtur me SC Paderborn, SV Darmstadt, Hamburger SV, Stuttgarter Kickers dhe Halleschen.
????? ????? ??? ???? ???? ??? ?? ?????! ?#immeRWEiter #nurderrwe pic.twitter.com/DwEmdJs0lu
— Rot-Weiss Essen (@rot_weiss_essen) January 6, 2025
Komente
