Bundesliga gjermane e futbollit hapi javën e 11-të këtë të premte. Me fillim nga ora 20:30 në "Borussia Park", Monchengladbach vendas mposhti 4-0 miqtë e Wolfsburgut. Skuadra e Seoane nuk e vendosi asnjëherë në diskutim fitoren përballë djemve të Niko Kovac, duke shënuar që në minutën e 16-të me Cvancara. Më pas në pjesën e parë kishte vend edhe për golin e Reitz, që përfitoi nga gabimi i portierit mik.
Edhe pjesa e dytë ishte nën diktatin e vendasve, me Monchengladbach që shënoi me Honofat një gol të bukur në të 64 minutë. "Vulën" suksesit ia vendosi Plea në të 71 minutë.
Me këtë sukses, Monchengladbach shkon në kuotën e 13 pikëve, aq sa ka edhe Wolfsburg, duke ndarë vendet 9 dhe 10 në klasifikim. "Ujqit" e Kovac kanë harruar të "kafshojnë" duke pasur pesë ndeshje pa fitore. Në Bundesligë vijon të kryesojë Leverkusen, me ndeshjet e tjera të javës së 11-të që luhen të shtunë dhe të dielë.
