Real Madrid është klub 'mbretëror' dhe një gjë të tillë e ka treguar edhe me gjestin e fundit për kapitenin Dani Carvajal. 32-vjeçari u dëmtua në ligamentin e kryqëzuar gjatë fitores 2-0 kundër Villarreal dhe për këtë ka mbyllur sezonin pasi i duhet të operohet në gjurin e djathtë.
Madrilenët nuk do kenë kapitenin për këtë sezon, teksa kanë bërë një gjest besimi duke i rinovuar kontratën deri në verën e 2026, pasi fundi i këtij sezoni e nxirrte Carvajal si lojtar të lirë.
Dëmtimi
Po luheshin sekondat e fundit të takimit kur pas një dueli me Yeremy Pinon e mysafirëve, Carvajal ra në tokë duke ulëritur nga dhimbjet e mëdha. Aty u ofruan bashkëlojtarët e tij të cilët u munduan ta qetësojnë, teka u nevojit ndihma e stafit mjekësor për ta nxjerrë nga fusha.
Reagimi i Carvajal
Dani Carvajal duhet të operohet dhe sezoni për të tashmë është i mbyllur. Vetë mbrojtësi ka reaguar në rrjetet sociale, duke deklaruar se do të kthehet edhe më i fortë.
“Konfirmohet një dëmtim i rëndë në ligamentin kruciat, më duhet të shkoj në sallën e operacionit dhe të qëndroj jashtë fushës për disa muaj. Mezi pres të shërohem dhe për t'u kthyer si një bishë. Ju faleminderit shumë për mesazhet tuaja, ndihem shumë i dashuruar”, shkruan Dani Carvajal.
Me cago en mi vida, se le ha ido la rodilla a Carvajal. La pinta es feísima pic.twitter.com/RCn6laHU3C
— Madrid Sports (@MadridSports_) October 5, 2024
