SPANJË - La Liga e futbollit nisi të premte me raundin e tretë. Në 'Mestalla', vendasit e Valencias fituan 3-0 kundër Getafes, duke marrë tri pikët e para këtë sezon.
Miqtë nga kryeqyteti e nisën më mirë sfidën, por ishte Mouctar Diakhaby në minutën e 30-të që shënoi me kokë pas asistit të Rioja nga këndorja. Në fraksionin e dytë Arnaut Danjuma nuk gaboi dhe shënoi golin e dytë dhe të qetësisë për Valencian.
Getafe kishte mundësi për të rihapur duelin, por nuk ia doli ta bënte. Përballja u "vulos" nga Hugo Duro në minutën e 90+7 me golin e tretë. Tre gola për tri pikë te Valencia, që sheh suksesin e parë këtë sezon të ri.
Në sfidën tjetër, Elche fitoi 2-0 kundër Levantes me golat e Mir dhe Mendoza në pjesën e dytë.
Komento
Komente
