Një video që po qarkullon orët e fundit në internet ka tronditur opinionin publik, duke treguar rrahjen për vdekje të një të burgosuri afrikano-amerikan, Robert Brooks, nga gardianë në institucionin korrektues Marcy në Nju Jork.
Pamjet, të regjistruara nga kamerat e trupit të stafit të burgut, tregojnë të burgosurin, me fytyrën e mbuluar nga gjaku, ndërsa merr goditje të njëpasnjëshme nga të paktën gjashtë burra përreth tij në çdo moment.
Herë pas here, gardianët që e kishin rrethuar e shtrëngonin në fyt. Ndërkohë që i burgosuri ishte ulur, me duart e lidhura dhe dukshëm i dëmtuar, një gardian me doreza plastike e kapi nga fyti me ndihmën e një kolegu dhe e përplasi për muri.
Në një moment të videos, një polic duket duke i futur diçka në gojë Brooks-it para se ta godasë përsëri në fytyrë. Më pas, një tjetër polic e godet në zonën e ijëve përpara se ta godasë me një këpucë.
Videot nuk kanë audio. Kamerat ishin të ndezura, por gardianët "nuk i kishin aktivizuar" dhe kështu ato regjistronin pa zë, shpjegoi prokurorja e përgjithshme e shtetit të Nju Jorkut gjatë një konference për shtyp.
This is the American Industrial Prison Complex. If you are under the impression this is the exception as opposed to the rule, I suggest you pay close attention to the behavior of the Correction Officers that quite literally beat the life out of shackled inmate Robert Brooks on… pic.twitter.com/cu7t24Vv4B
— Defense Diaries (@defense_diaries) December 27, 2024
Pamjet nuk e bëjnë të qartë se cili ishte shkaku i këtij trajtimi, nëse kishte ndonjë incident fillestar. Robert Brooks u shpall i vdekur më 10 dhjetor në spitalin Wynn në Utica, sipas prokurores së përgjithshme Letitia James.
Brooks, 43 vjeç, po vuante një dënim prej 12 vitesh burg që nga viti 2017 për sulm të shkallës së parë, sipas dokumenteve të burgut.
SHBA shpesh tronditet nga raste të përdorimit të tepruar të dhunës nga forcat e rendit.
Në vitin 2020, vdekja e George Floyd, një afrikano-amerikan 46-vjeçar, nga një polic që e shtypte në fyt me gju për rreth nëntë minuta duke i penguar frymëmarrjen, ndërsa ai ishte i prangosur dhe i shtrirë në tokë, shkaktoi një valë protestash kundër racizmit dhe trazirash në të gjithë vendin.
Komente
