Së pari dora në zemër, më pas krahu i ngritur drejt gati 20 mijë mbështetësve të Trump, të mbledhur në Capital One Arena në Uashington DC. Ky gjest i Elon Musk, Ceos së Teslas, ka ngjallur polemika në mediat sociale mbi gjestin e Elon Musk, i akuzuar për ‘Saluto romano’, përshëndetje romake ose siç njihet ndryshe fashiste. Videoja shkaktoi një valë kritikash dhe indinjate.
"Unë thjesht dua të them faleminderit që e bëtë të ndodhë," u tha mbështetësve të Trump në Capital One Arena në Uashington DC , pronari i SpaceX, X dhe Tesla, personi më i pasur në botë dhe një donator dhe këshilltar i madh i Trump.
Tashmë në krye të Departamentit për Efikasitetin e Qeverisë - dhe një sponsor kryesor i republikanëve gjatë fushatës zgjedhore, Musk ishte kritikuar shumë për mbështetjen e tij për të djathtën ekstreme në Evropë.
Dhe gjesti para afro 20,000 mbështetësve të Trump në Capital One Arena është i destinuar të ngrejë më shumë kritika dhe polemika.
Kjo përshëndetje është përdorur nga regjimet fashiste të shekullit të 20-të, veçanërisht nga Italia fashiste nën Benito Mussolini dhe më vonë nga nazistët në Gjermani. Për këtë arsye, sot konsiderohet një simbol i lidhur me ideologji totalitare.
Komente
