Përmes Portit të Shëngjinit Italia sjell materiale dhe mjete të rënda që përdoren për ndërtimin e qendrës për pritjen e emigrantëve në Gjadër.
Aktualisht po punohet për ngritjen e një muri rrethues 7 metra i lartë, që do të përdoret për të penguar daljen e mundshme të emigrantëve nëse do të ketë tentativa të tilla e më pas godinat. Gjtihashtu po investohet edhe për rregullimin e rrugës që të çon në Gjadër.
Refugjatët e parë pritet të mbërrijnë më 20 Maj të këtij viti. Ata do të priten në një strukturë në Portin e Shëngjinit dhe nga aty do të transportohen me autobusë rreth 35 km në kampin e Gjadrit.
Investimi me vlere 653 milion euro po bëhet me fonde të qeverisë italiane bazuar në marrëveshjen Rama-Meloni firmosur në nëntor 2023. Maksimumi i kapacitetit të kampit në një vit do të jetë pritja e 36 mijë refugjatëve. Emigrantët do të qendrojnë në kampin e Gjadrit gjatë periudhës që kryhen procedurat për azil.
