Shumë pranë hyrjes së spitalit “Shefqet Ndroqi” apo COVID 2, në një zonë ku pastërtia është kryesore, gjenden mbeturina të hedhura e që nuk janë pastruar nga askush. Mes këtyre mbetjeve ka dhe kuti të ilaçeve që përdoren për trajtimin e pacientëve, siç shihen qartë në këto pamje. Remdesiviri që shihet i hedhur në grumbullin e plehrave është vetëm për përdorim spitalor.
Një ndotje e tillë është vetëm pak metra larg dritares së informacionit, në portën kryesore të spitalit Covid 2 ku çdo ditë familjarë të pacientëve të shtruar, dërgojnë ushqime dhe sende personale për të afërmit e tyre.
Nuk dihet nëse këto mbetje janë hedhur nga stafi mjekësor apo nga qytetarët jashtë spitalit, siç thanë jashtë kamerës disa familjarë të pacientëve, por e sigurt është se nëse nuk pastrohen në kohë, janë një vatër infeksioni.
Komente
Ça gazetaresh jeni more.Gabime ne shkrim pa fund. Mbi te gjitha keni edhe foton me kutine e ilaçit ku eshte shkruar ose stampuar emri i tij origjinal, gjithsesii e shkruani sipas qejfit tuaj. Per fat te keq nuk eshte hera e pare...ky fenomen perseritet gati çdo dite.
Përgjigju