Rritja e çmimeve ka krijuar një dallgë reagimesh nga të gjithë qytetarët, ndërkohë që ka pasur edhe protesta. Por nga gjithë kjo situatë e krijuar ka nga ata edhe që e 'përdorin' për të bërë ndonjë këngë kështu si me urgjencë.
"Kanë mbetur njerëzit o mor të habitur se çdo mall tek ne o është rritur, asht rrit veza e asht rrit speci, është rrit domatja e kastraveci! Rriten çmimet e ka ra puna na ka ardh o shpirti te puna.
Është rrit hekri e është rrit druri, është rrit druni është rrit misri e është rrit gruni, janë bërë çmimet rrush e kumbull. Është rrit gjithçka e është zvogëlu Shqipëria", thuhet në tekstin e këngës së këngëtarit Perlat Sheqeri.
Kënga ka shkaktuar reagime, ilaritet dhe ironi edhe në rrjetet sociale. Por këngëtari Perlat Sheqeri nuk është i panjohur për publikun shqiptar.
Një vit më parë ai së bashku me 2 kolegë të tij, Nexhip Dida dhe Dritan Jashari, rapsodë të muzikës popullore, realizuan një këngë për poetin kuksian të ekzekutuar nga komunistët, Haviz Nela, duke e cilësuar si “shqipe të demokracisë”. Kënga ishte sponsorizuar nga Presidenti Ilir Meta, i cili kishte marrë rolin e “producentit”.
Nuk dihet nëse edhe në këngën e fundit të Perlat Sheqerit ka sponsorizuar Ilir Meta apo jo.
Pamje nga videoklipi për Havzi Nelën me Ilir Metën 'producent'
