Ndërsa në Tiranë mbahej Samiti Ekonomik Ndërkombëtar 'Future Investment Initiative Europe', nuk munguan edhe detajet pikante.
Në këtë forum kanë qenë të pranishëm ish-kryeministri italian Matteo Renzi, presidenti francez, Emmanuel Macron dhe kryeministri Edi Rama.
Dhe ajo që tërhoqi vëmendjen ka qenë takimi i ngrohtë dhe miqësor që është bërë viral edhe në rrjetet sociale, mes Renzit dhe Ramës.
Ndërsa hap krahët dhe komunikon me përshëndetje dhe përgëzime, ish-kryeministri italian përqafon miqësisht deri edhe në shtrëngim (ndukje) faqesh kryesocialistin shqiptar.
Dialogu mes tyre mbetet i panjohur, por pamjet e videos tregojnë miqësinë mes dy përfaqësuesve të vendeve respektive dhe afinitetin njerëzor mes tyre.
Renzi i ka kritikuar shpesh politikat e kryeministres Giorgia Meloni, të cilës kryeministri Rama iu ul në gjunjë në shenjë falenderimi dje (16 maj), si dhe harxhimin sipas tij të 1 mld eurove nga Italia për qendrat dhe kampin e refugjatëve në Gjadër dhe Shëngjin.
Komente
