Një djalë 10-vjeçar në Vietnam ka rënë në një kolonë betoni në një kantier ndërtimi dhe nuk është gjetur ende edhe se ekipet shpëtuese kanë dy ditë që e kërkojnë. Sipas mediave të huaja, 10 vjeçari u rrëzua dhe ra në kolonë, e cila është 35 metra nën sipërfaqen e tokës dhe 25 cm e gjërë. . Incidenti raportohet të ketë ndodhur në një kantier ku po ndërtohej një urë në provincën jugore të Dong Thap, tha një punonjës shpëtimi për AFP.
“Ne po bëjmë më të mirën. Nuk mund të themi ende se në çfarë gjendje është djali ”, shtoi ai.
Ekipet e shpëtimit kanë ulur dhe një kamer në kolonën ku ra djali për të parë gjendjen dhe për të filmuar ndonjë reagim, por nuk morën asnjë shenjë.
Autoritetet nuk janë të sigurt për gjendjen aktuale të djalit.
“Ai ka ndaluar komunikimin me botën e jashtme, megjithëse vazhdon të furnizohet me oksigjen “, raportoi gazeta Vietnameze Tuoi Tre.
