Zjarri i rënë mesditën e së premtes, në masivin pyjor të fshatit Fierze të Njësisë Administrative Rubik, në Mirditë është vënë nën kontroll, por ende nuk është shuar plotësisht.
Krahas forcave të bashkisë, operacionit për shuarjen e flakëve i janë bashkuar dhe ushtria.
Për shkak të terrenit të thyer malor, po punohet me mjete rrethanore për shuarjen e plotë të këtij zjarri, që sipas të dhënave deri tani ka djegur rreth 6 hektarë pyll me pisha dhe bimësi.
Flakët dyshohet të jenë shkaktuar nga një shkëndijë elektrike, në linjën qe ndodhet përgjatë këtij masivi pyjor, thotë prefekti i Qarkut Lezhë Gjergj Prendi.
“Zjarri ne masivin pyjor të fshatit Fierze u shfaq mesditën e së premtes dhe favorizuar nga era e fortë dhe bimësia e dendur flaket u përhapen me shpejtësi në disa drejtime”, tha Gjergj Prendi, prefekt i qarkut Lezhë.
