RINAS-Dy punonjës policie janë arrestuar nga Shërbimi për Çështjet e Brendshme dhe Ankesat në bashkëpunim me Prokurorinë e Krimeve të Rënda. Ata janë Almir Doda 42 vjeç dhe Edmond Llaçini 34 vjeç, të dy nga Tirana.
Sipas policisë, arrestimi u krye pas një hetimi disamujor me metoda speciale, pasi dy efektivët e policisë dyshoheshin se ishin përfshirë në veprimtari antiligjore, si pjesë e një grupi të strukturuar kriminal, duke ndihmuar persona të ndryshëm për kalimin e kufirit, në kundërshtim me procedurat ligjore.
Për të dy efektivët e policisë, Gjykata e Shkallës së Parë për Krimet e Rënda vendosi masën e sigurisë “Arrest me burg”, ndërsa akuzohen për "Ndihmë për kalim të paligjshëm të kufijve” dhe “Grup i strukturuar kriminal”.
Në datë 21 shtator në Rinas u arrestua edhe Brunilda Duda, me detyrë kontrollore në Komisariatin e Policisë Kufitare dhe Emigracionit Rinas, pasi dyshohet se lejoi që të futeshin në Shqipëri në mënyrë antiligjore 7 turq.
Komente
Te arrestoje koken e kesaj bande kriminale, ish shefin e tyre Ermal Milori. Perse e lene dosjen e tij te zere pluhur kot, aty i ka te gjitha ky pijanec progonati.
Përgjigju