Vijojnë punimet për montimin e urës së re mbi Drin, e cila është pozicionuar në bazamentin përfundimtar të saj, ndërsa po punohet për montimin e pjesëve dhe vendosjen e shtresave të nevojshme drejt përmbylljes së plotë të projektit.
Për momentin po vendosen shtresat e stabilizantit dhe asfaltimin e tyre. Sakaq kryeministri Edi Rama ka publikuar pamjet nga punimet mbi Urën e Madhe të Kukësit.
Ura e Madhe lidh Rrugën e Kombit dhe dy brigjet e liqenit të Fierzës. Ura është strukturë hark me çelik Corten dhe ka një gjatësi totale prej 310 metra, ndërsa harku metalik ka një bazë prej 270 metra, një lartësi prej 56 metra dhe peshon rreth 5000 ton.
Ky projekt i madh konsiderohet si një nga urat me hapësirën më të madhe ne Ballkan ne tipologjinë e saj.
M.Q.//ReportTv.al
