Temperaturat e larta dhe era po ndikojnë në përhapjen e zjarrit në kodrat e Gjorgozit.
Prej më shumë se 24 orësh vijon që të digjet pylli me pisha në fshatin Gjorgos në Fier. Zjarri që ka përfshirë një sipërfaqe të konsiderueshme malore, është i vështirë që të shuhet nga zjarrfikëset për shkak të terrenit të vështirë. Në këto kushte është ndërhyrë në mjete rrethanore për shuarjen e vatrës së zjarrit.
Ndërkohë kanë shkuar për të dhënë ndihmën edhe zjarrfikësit e Patosit, ku po punohet intensivisht në kontrollin e flokëve. Në vendngjarje kanë mbërritur 2 automjete zjarrfikëse dhe shumë forca zjarrfikëse.
Forcat zjarrfikëse kanë bërë të mundur shpëtimin e punonjësit të pyjore në Gjorgoz të Fierit, i cili rrezikoi jetën pasi u izolua nga flakët në zjarrin që ka përfshirë prej më shumë se 24 orësh pyllin me pisha të fshatit. Rauf Muskaj, fatmirësisht ndodhet në gjendje të mirë, pasi u shpëtua nga Shërbimi Zjarrfikës Patos.
Punonjësit e pyjores po punojnë bashkë me zjarrfikësit për shuarjen e flakëve,, por puna e tyre vështirësohet për shkak të terrenit të vështirë.
