Më 23 prill në orën 11:00 do të zhvillohet pranë Komisionit të Pavarur të Kualifikimit të gjyqtarëve dhe Prokurorëve dëgjesa me gjyqtaren e Gjykatës Kushtetuese Altina Xhoxhaj.
Trupa gjykuese do të jetë e përbërë nga Brunilda Bekteshi, Etleda Çiftja dhe Genta Tafa.
Gjyqtarja Xhoxhaj, është anëtarja e tretë e Gjykatës Kushtetuese që shqyrtohet nga KPK-ja.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Deri tani Vettingu ka shkarkuar gjyqtarin e Kushtetueses Fatos Lulo dhe Besim Trezhnjevën, ndërsa ka kaluar vetëm gjyqtarja e Kushtetueses Vitore Tusha.
Komento