Pas dy vitesh mungesë për shkak të pandemisë, mezosopranoja Vikena Kamenica është rikthyer sërish në Korçë me koncertin e saj për festat e fundvitit.
E shoqëruar nga Banda Jazz Trio, për artdashësit Kamenica performoi një listë të gjatë këngësh.
Teksa tregon për rikthimin, Vikena Kamenica tha se publiku i qytetit juglindor i jep shumë ngrohtësi.
“Më kishte marrë malli se pandemia na kishte shkaktuar shumë probleme. U krijua një hendek i vogël që nuk do ta doja kurrë dhe sidomos me Korçën nuk e dua kurrë shkëputjen. Vërtet është kënaqësi e madhe të jesh në Korçë”- u shpreh ajo.
Në skenën e teatrit Andon Zako Çajupi, Vikena shoqërohej edhe nga dy artistët e rinj Martin Pano dhe Jasmina Dervishi.
“Publiku korçar ishte i mrekullueshëm. Më kanë përcjellë shumë emocion sot” tha Martin Pano
“Publiku ishte shumë i ngrohtë, shumë aktiv. Në qoftë se është publiku kështu dhe ne e kemi më të lehtë përformancën”, tha Jasmina Dervishi
Koncerti festiv i Vikena Kamenisës vjen çdo vit në periudhën e Krishlindjes dhe Vitit të Ri, për publikun Korçar.
