Ne foto violinisti Aurel Qirjo

Violinisti Aurel Qirjo përfaqëson Shqipërinë në ‘Orkestrën e Tokës’

3 Dhjetor 2020, 15:41| Përditesimi: 3 Dhjetor 2020, 15:44

  • Share

Violinisti Aurel Qirjo përfaqëson Shqipërinë në “Orkestrën e Tokës” me muzikë të Shqipërisë së Jugut. Ky interpretim i Qirjos do t’i bashkohet regjistrimit të pjesës për violinë nga artistët nga e gjithë bota, "Together is Beautiful"("Së bashku është shumë bukur").

Qirjo ka përfunduar shkollën e mesme për violinë. Studimet e larta i kreu për dirigjim pranë Institutit të Lartë të Arteve në Tiranë. Ka publikuar dy albume nё CD të muzikës tradicionale shqiptare: "Më tund pak shaminë" me ansamblin e famshëm të “Saizo” dhe "Muzika në kufi" me grupin e tij të muzikantëve korçarë. Gjatë qëndrimit në Londër, ka bashkëpunuar gjithashtu me grupin grek Kourelou dhe këngëtarin turk Olcay Bayir.

Për herё tё parё kompozimi "Together is Beautiful" ("Së bashku është shumë bukur"), e krijuar nga kompozitori i nominuar për çmimin Oskar George Fenton, pjesё e cila interpretohet nga “Orkestra e Tokёs” publikohet sonte!

Rreth “Orkestrës së Tokës”!

“Orkestra e Tokёs” ёshtё bashkimi i muziktarёve tё shquar nga gjithё vendet e botёs. Para 2 vitesh, filloi konkretizimi i nismёs për të gjetur nga një muzikant nga çdo vend i botës, për t'u bashkuar së bashku në interpretimin e një pjesë muzikore. Si rezultat u formua një orkestër muzikantësh nga 197 vende dhe filloi procesi i regjistrimit. Nga ajo ditë e tutje, bisedat që filluan, historitë që u ndanë mes tyre dhe përvojat që u zbuluan ishin të paimagjinueshme.

Grupi orkestral shfaq pjesën e tyre të parë "Together is Beautiful" ("Së bashku është shumë bukur"), e cila u shkrua nga kompozitori Fenton, pjesё e cila u regjistrua nga shtëpia diskografike Deça.

 

Komento
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?