Te koronavirusi duket se metafora e kafshëve funksionon.
"Në muajin mars kishte një sërë ambulancash që mbërrinin në dhomën e urgjencës. Kishim para nesh një tigër vrastar dhe të egër, sot kemi një mace të egër. Eshtë e qartë se diçka ka ndodhur; koronavirusi është më pak virulent, ka më pak ngarkesë virale dhe këtë e ka demonstruar laboratori San Raffaele. Gjithashtu ka ndryshuar ashtu siç ka verifikuar laboratori në Brescia" - kështu është shprehur italiani Matteo Bassetti, drejtor i klinikës së sëmundjeve infektive në spitalin San Martino në Xhenova dhe anëtar i grupit të punës Covid të rajonit Liguria.
Duke folur për deklaratat Alberto Zangrillo, shefi i Njësisë së Anestezistëve në spitalin San Raffaele në Milano, i cili dje tha se koronavirusi "klinikisht nuk ekziston më", Matteo Bassetti tha se "Në Itali kemi dhjetëra studime klinike të gatshme për të filluar për Covid-19, por ne nuk kemi mjaftueshëm pacientë që do të përfshihen në studime.
Duket se nuk ka patologji serioze dhe se ka shumë pak qarkullim të koronavirusit. Të dhënat e fundit të Mbrojtjes Civile tregojnë një rritje të raste të reja në pothuajse të gjitha Rajonet prej 0,1%
"Por edhe pse të dhënat janë pozitive, kjo nuk do të thotë 'Liri për të gjithë dhe në gjithçka', nuk është ky mesazhi - thotë Bassetti - Sëmundja është ndryshe nga më parë, por virusi është akoma në qarkullim, për këtë arsye është e nevojshme të respektoni distancimin fizik, të përdorni maskë dhe të lani gjithmonë duar. Këto masa, të paktën deri në muajin qershor, janë thelbësore - përfundon specialisti i sëmundjes infektive.
