Visar Bekaj do jetë portieri i ri i Hatayspor në Ligën e Parë të Turqisë. Portieri i përfaqësueses së Kosovës largohet kështu falas nga Tirana pas tre sezonesh, teksa në ekipin e ri paga mujore do jetë afro 17 mijë euro në muaj.
26-vjeçari ka lënë kryeqytetin shqiptar sot dhe është nisur për në Turqi, aty ku pritet të prezantohet te Hatayspor për tre sezonet e ardhshme. Vetë trajneri Volkan Demirel javët e fundit ka qenë prezent në Shqipëri, ku ka folur me "gardianin" dhe ia ka dalë ta bindë për firmën me turqit.
Prej 2020 Bekaj ishte pjesë e Tiranës në Superligë, aty ku fitoi një titull kampion dhe Superkupën e Shqipërisë, duke u zgjedhur edhe portieri më i mirë.
Komento
