Festivali Ndërkombëtar i Teatrit “Prizren Fest 2024” ka nisur maratonën e shfaqjeve. Nata e parë u hap me shfaqjen “Vizita”, produksion i teatrit “Migjeni” të Shkodrës, me autor George Wells dhe regji të Davide Iodice. Ndërsa në netët në vazhdim në skenë do të ngjiten trupa teatrale nga Greqia, Franca e deri tek Irani. Po keshtu merr pjese dhe nje trupe teatrale nga Spanja, edhe pse ky shtet nuk e ka njohur Kosoven e pavarur.
Ardian Morina Drejtori artistik i festivalit “Prizren Fest” shprehet se në mesin e të ftuarve janë aktorja nga Franca, Marie-Christine Barrault dhe regjisori italian Pippo Delbono”.
Festivali i teatrit e plotëson mozaikun e ngjarjeve kulturore në qytetin e Prizrenit ku tashmë prej vitesh mbahen një sërë festivalesh.
Në kuadër të këtij festivali, në mjedise të ndryshme të Prizrenit, janë ngritur skena teatrore të hapura, duke përfshirë edhe skenën e kinemasë Lumbardhi.
Përgjatë një jave, nga 21 deri më 28 korrik, “Prizren Fest 2024” do të sjellë 22 shfaqje teatrale si dhe aktivitete të tjera kulturore për të rritur e fëmijë ku hyrja është falas.
