Presidenti amerikan Donald Trump të martën gjatë një vizite në kampin e ri të emigrantëve 'Alligator Alcatraz' në Everglades, nuk kurseu fjalët e forta ndaj ish-presidentit Joe Biden. Trump e akuzoi Bidenin se dëshironte ta shihte të mbyllur në burg, duke e quajtur atë “son of the bitch”.
“Nuk ndodhi kështu, por ai më donte mua këtu, në rregull? Ai bir ku***”, tha Trump përpara gazetarëve, brenda një tende të madhe të bardhë të rrethuar me gardhe zinxhirësh, që dukeshin si kafaz për të burgosurit.
Në vizitën e tij, Trump ishte shoqëruar nga guvernatori republikan i Floridës, Ron DeSantis, dhe Sekretarja e Sigurisë Kombëtare, Kristi Noem.
Trump përballet me katër çështje penale, ndërsa gjatë fushatës për rikandidim kundër Bidenit vitin e kaluar, ai paralajmëroi për pasojat që mund të kishte nëse do të dënohej. Nëse akuzat më serioze për keqpërdorim të dokumenteve të sigurisë kombëtare dhe përpjekje për të përmbysur zgjedhjet e 2020-ës do të provoheshin, Trump rrezikon një burgim të përjetshëm de facto.
akuzon prokurorin e qarkut të Manhattanit, Alvin Bragg, demokrat, se ka koordinuar rastin me ndihmësit e Bidenit.
Përveç kësaj, Trump përballet edhe me akuza federale në Floridën Jugore për trajtimin e të dhënave zyrtare gjatë mandatit të tij të parë, një çështje federale lidhur me zgjedhjet në Washington DC dhe një rast zgjedhor shtetëror në Georgia.
Komente
