Reperi i njohur shqiptar, Mozzik, ka qenë mjaft aktiv ditët e fundit në rrjetin social Instagram ku ka postuar mbi vizitën e tij në dy vendet e shenjta, Mekë dhe Medinë.
Teksa ka qëndruar në këto dy qytete kozmike të Arabisë Saudite, 27-vjeçari nuk ka hezituar që t’i ndajë me ndjekësit në rrjetet sociale disa fotografi nga eksperienca atje.
Mes të tjerash, ditën e djeshme ai vendosi që të bëjë një sqarim për ndjekësit e tij në Instagram, duke treguar se ka kryer Umrenë (pelegrinazhin e myslimanëve) në Mekë dhe jo haxhin siç është raportuar në disa media.
“Sqarim: Nuk kam bërë Haxh, kam bërë Umre (Zoti na mundësoftë edhe Haxhin inshAllah”, ka shkruar reperi, emri i vërtetë i të cilit është Gramoz Aliu.
Postimi i Mozzik në story-in e instagramit të tij
Dallimi mes haxhit dhe umresë qëndron sepse Haxhillëku bëhet në muajin e caktuar, ndërsa Umreja bëhet në çdo kohë. Edhe pse të dyja kanë ritet e zakonshme, Umreja bëhet më pak se disa orë, ndërsa Haxhilëku merr më shumë kohë dhe përmban më shumë rite.
