Liqeni i Kallabakut në Novosej të Kukësit këto ditë të nxehta vere është bërë ndalesa e shumë vizitorëve vendas dhe të huaj. Por shqetësuse është ndotja e mjedisit në brigjet e liqenit. Për të dhënë mesazhin që të gjithë të bëhemi kontributor për një mjedis të pastër një grup të rinjsh vullnetarë kanë bërë pastrimin e bregut të liqenit nga mbetjet urbane.
Motoja e kësaj nisme komunitare ishte “Pastrojmë dhe Argëtohemi” pasi të rinjtë pas pastrimit kanë bërë gara me kajakë, trendi më i ri në Kukës.
Liqeni i Kallabakut është një ujëmbledhës me sipërfaqe rreth 7 ha dhe ndodhet në parkun natyror Korab-Koritnik, në lartësinë 1645 metër mbi nivelin e detit.
Komento
