Kultura

Vjen dokumentari premierë, “Jeta si në film, Piro Milkani”! Regjisori, rrëfim për jetën e filmin përmes zërit të tij

29 Gusht, 14:38| Përditesimi: 29 Gusht, 17:50

  • Share

Një portret i veçantë për një njeri të rrallë të kinemasë shqiptare vjen përmes filmit dokumentar kushtuar regjisorit Piro Milkani, i shfaqur premierë këtë të premte në kinemanë e Arkivit Qendror Shtetëror të Filmit. Nga pasioni për kamerën, te regjia e filmave të drejtuar nga artisti, e që u bënë pjesë e kujtesës kolektive, “Jeta si në film, Piro Milkani”, (një prodhim i Cinemania), sjell jetën dhe krijimtarinë e një prej figurave më të dashura të artit filmik shqiptar.

“Organizuam një premierë me një grup kineastësh, për të vazhduar më tej me premirën e madhe, që do të organizohet gjatë muajit tetor. Filmi është një sintezë e jetës së Piro Milkanit. E veçanta është se ai këtu është vetë rrëfyes, në një rrëfim tepër emocional dhe të sinqertë.”, - thotë producenti Skënder Jaçe për "Report TV".

Me skenarist Bashkim Hoxhën dhe me regjisorë Rigers Plaka e Marviks Shantoja, ky dokumentar është një rrugëtim emocional, artistik dhe njerëzor përmes kohëve dhe kujtimeve të një mjeshtri si Milkani.

B.G/I.M/ReportTv.al
Komento

Komente

  • Sondazhi i ditës:

    Ku i kaluat pushimet verore?