DURRËS- Anijes historike “Amerigo Vespucci”, e njohur si një nga anijet më të bukura në botë, me siluetën e saj mbresëlënëse dhe velat tradicionale u ankorua në portin e Durrësit. E ndërtuar në vitin 1931, kjo anije trajnuese është kthyer në një simbol të trashëgimisë dhe profesionalizmit detar italian.
Ambasadori italian në Shqipëri Marco Alberti e cilësoi anijen ‘Amerigo Vespucci’ si një ‘ambasadë’ shtëtitëse të kulturës italiane. Ai theksoi gjithashtu se anija përforcon edhe ‘frymën’ e një miqësie dhe bashkëpunimi më të fortë midis dy vendeve.
"Vespucci është një ambasadë, një ambasadë e kulturës detare italiane, por edhe e kulturës italiane “made in Italy”. Ajo çon nëpër botë një ide përsosmërie, bukurie dhe cilësie dhe besoj edhe të shpirtit të skuadrës që karakterizon ekuipazhin por mbi të gjitha shpirtin me të cilin Italia është këtu. ", tha ambasadori.
Ndërsa komandanti i anijes Giuseppe Lai tha se me rikthimin në Durrës, ekuipazhi kujton mikpritjen shqiptare. Ai shtoi se mezi presin që anija të vizitohet nga shumë qytetarë shqiptarë.
"Anija Vespucci rikthehet në Durrës, shumë prej anëtarëve të ekuipazhit, kujtojnë mikpritjen shqiptare. Kështu që jemi gati e me dëshirë të takojmë sa më shumë njerëz nga Durrësi dhe Shqipëria që do të vizitojnë anijen Vespucci këto 3 ditë.", tha komandanti.
Ndërkohë, Forca Detare shqiptare do të marrë dhuratë anijen patrulluese “Libra”, një dhuratë nga shteti italian, që do të kontribuojë në forcimin e sigurisë detare. Kjo anije e teknologjisë së fundit është ndërtuar për misione patrullimi dhe mbrojtjeje në ujërat territoriale.
“Anije që ka kapacitete të mira operacionale, e integrueshme me kapacitetet e NATO-s dhe do të shërbejë jo vetëm me misionet në interes të sigurisë dhe paqes në hapësirën detare të Shqipërisë por edhe në Mesdhe, ku detyrat e NATO-s do na kërkojnë. Është një kapacitet i shtuar”, tha nën/admiral Adnand Agastra.
Një tjetër anije e ankoruar në Portin e Durrësit është Katamarani “Lo Spirito di Stella”. Bëhet fjalë për një anije të veçantë, e përshtatur për të garantuar akses dhe lëvizshmëri për personat me aftësi ndryshe.
Këto anije përfaqësojnë marrëdhëniet e ngushta mes Shqipërisë dhe Italisë dhe reflektojnë misionet e ndryshme të marinës italiane. Anija “Amerigo Vespucci” e cila rikthehet në Durrës pas më shumë se dy vitesh do të qëndrojë e hapur për tre ditë, ndërsa anija Libra deri më 21 prill. Report TV solli edhe pamjet brenda anijes “Amerigo Vespucci”, e konsideruar anija më e bukur në botë që shërben për ture turistike anembanë rruzullit.
E konsideruar edhe si anije-muze, “Amerigo Vespucci” u nis nga porti i Ortonës në Itali, ajo do të qëndrojë në qytetin bregdetar deri në 11 prill. Ndalesa në Durrës do të jetë e para nga dy të planifikuara jashtë vendit në turin e Mesdheut, së bashku me atë në Valetta të Maltës të planifikuar nga data 25 deri më 29 prill.
Nisma e turit botëror të anijes “Amerigo Vespucci” dhe e turit mesdhetar lindi nga një ide e ministrit të Mbrojtjes Guido Crosetto dhe mbështetet nga Ministria e Mbrojtjes dhe 12 ministri të tjera, me qëllimin për të rrëfyer dhe ndarë përvojën ndërkombëtare të "Turit Botëror", i cili për 20 muaj ka çuar në 30 vende të botës kulturën, historinë, inovacionin, gastronominë, shkencën, kërkimin shkencor, teknologjinë dhe industrinë që e bëjnë Italinë një vend të vlerësuar në të gjithë botën.
Anija do të jetë e hapur për t’u vizituar edhe nga qytetarët falas, më datat 9 dhe 10 prill, por vetëm duke rezervuar në faqen zyrtare ëëë.tourvespucci.it.
-Vizitat në grup: nga ora 12.30 deri në orën 14.00
-Vizita individuale për ata që kanë bërë një rezervim falas në faqe: nga ora 14:00 deri në 21:00
-Vizitat në grup: nga ora 12.00 deri në orën 14.00
-Vizita individuale për ata që kanë bërë një rezervim falas në faqe: nga ora 14:00 deri në 21:00.
Nga Durrësi, nën admirali Adnand Agastra deklaroi se anija Libra, dhuratë nga Italia për Shqipërinë, ka të gjitha kapacitetet operacionale të duhura për t’u integruar në misionet e NATO-s.
Në një prononcim për mediat, Agastra u shpreh se anija do të përdoret edhe për misione përtej ujërave detarë të Shqipërisë.
“Anije që ka kapacitete të mira operacionale, e integrueshme me kapacitetet e NATO-s dhe do të shërbejë jo vetëm me misionet në interes të sigurisë dhe paqes në hapësirën detare të Shqipërisë por edhe në Mesdhe, ku detyrat e NATO-s do na kërkojnë. Është një kapacitet i shtuar.”, u shpreh ai.
Ambasadori italian në Shqipëri Marco Alberti e cilësoi anijen ‘Amerigo Vespucci’, që mbërriti mëngjesin e sotëm në portin e Durrësit, si një ‘ambasadë’ shtëtitëse të kulturës italiane. Në një prononcim për mediat nga Durrësi, ambasadori Alberti theksoi gjithashtu se anija përforcon gjithashtu edhe ‘frymën’ e një miqësie dhe bashkëpunimi më të fortë midis dy vendeve.
"Nuk është hera e parë që anija Vespucci vjen në Shqipëri por me këtë anije është gjithnjë si një herë e parë. Si ambasadë jo vetëm e mbështetëm por besuam shumë në këtë iniciativë. Do të ketë më shumë se 1500 të vegjël e të rinj që do ta vizitojnë anijen, që luan edhe rolin e një ambasade shëtitëse të italisë. Vespucci është një ambasadë, një ambasadë e kulturës detare italiane, por edhe e kulturës italiane “made in Italy”. Ajo çon nëpër botë një ide përsosmërie, bukurie dhe cilësie dhe besoj edhe të shpirtit të skuadrës që karakterizon ekuipazhin por mbi të gjitha shpirtin me të cilin Italia është këtu. Besoj se të jemi në Shqipëri në këtë ditë të veçantë, me këtë anije, përforcon idenë e një bashkëpunimi dypalësh që është e ndërtuar në shumë aspekte por që ka një pikënisje simbolike të përfaqësuar nga anija dhe që vjen si mesazh: që të lundrojmë së bashku. Dhe për ta bërë mirë duhet të kemi destinacione dhe rrugë të përbashkëta.", u shpreh ambasadori.
I pyetur për nëse mbërritja e kësaj anijeje dhe dy të tjerave përfaqëson një ditë të rëndësishme për marrëdhëniet Shqipëri-Itali, ambasadori italian u shpreh:
"Po është. Këtë mëngjes kemi Vespuccin, që nis këtë ditë dhe që është shumë e rëndësishme për asyet që thashë, jo vetëm për simbolikën që kjo anije ka, por edhe për shtysën promovuese dhe lidhjet. Mesdheu për ne do të thotë kultura, kultura që bashkohen në një det. Tirana këtë vit është kryeqyteti I kulturës mesdhetare së bashku me Aleksandrinë e egjiptit. Kjo anije sjell kulturën italiane dhe një kulturë miqësie dhe bashkëpunimi."
Ndërkohë, komandanti i anijes Giuseppe Lai tha se me rikthimin në Durrës, ekuipazhi kujton mikpritjen shqiptare. Ai shtoi se mezi presin që anija të vizitohet nga shumë qytetarë shqiptarë.
"Është kënaqësi të jemi sot në Durrës me anijen Vespucci. Anija Vespucci po kthehet nga një turne ndërkontinental të nisur në 1 Korrik të 2023, gjatë të cilit ka ndaluar në 35 porte të 30 shteteve në 5 kontinente. Ka qenë një iniciativë e kërkuar fort nga ministri ynë i Mbrojtjes Crosetto, i cili në nisjen e anijes 2 vite më parë nga Genova, kërkoi që jo vetëm anija Vespucci, por e gjithë Italia të bënte një xhiro rreth botës, për ta përfaqësuar në 360 gradë jo vetëm në aspektin e mbrojtjes me përfshirjen e 12 dikastereve. Pra ky është një rol që ka shoqëruar rolin e shkollës që ka anija Vespucci. Këtij udhëtimi kontinental i bashkohet edhe një tur mesdhetar që nisi në Trieste në 1 Marsin e kaluar, dhe Durrësi do të jetë etapa e parë jashtë Italisë ndërsa tjetra në Maltë. Anija Vespucci rikthehet në Durrës, shumë prej anëtarëve të ekuipazhit, kujtojnë mikpritjen shqiptare. Kështu që jemi gati e me dëshirë të takojmë sa më shumë njerëz nga Durrësi dhe Shqipëria që do të vizitojnë anijen Vespucci këto 3 ditë.", tha komandanti.
Anija 'Amerigo Vespucci', e veshur me fletë ari të pastër
Anija është 82 metra e gjatë, por ajo arrin 101 metra midis skajit ekstrem dhe fundit të harkut. Për më tepër, gjerësia maksimale është 15.5 metra, e cila rritet në 21 metra kur merret parasysh madhësia e varkave që dalin nga anët dhe në 28 metra kur merren parasysh skajet e oborrit më të gjatë, trevës së shtyllës kryesore.
Anija përmban tre shtylla vertikale, secila me pesë spars dhe një sipërfaqe totale vela prej rreth 2635 metra katrorë, e përbërë nga 24 vela. Velat manovrohen nga kabllo me diametra të ndryshëm, që arrijnë një gjatësi prej rreth 36 km.
Në harkun e anijes, ka një figurë prej bronzi të praruar që përfaqëson Amerigo Vespucci. Anija dallohet më tej nga frizat e saj të skajshme dhe arabeska e ashpër, të cilat janë prej druri të mbuluar me fletë ari të pastër. Dizajni i anijes është përshkruar si ‘elegant dhe madhështor’, gjë që i ka dhënë asaj pseudonimin "Mbretëresha e Deteve".
Ekuipazhi përbëhet nga 264 personel ushtarak, duke përfshirë 15 oficerë, 30 nënoficerë, 34 rreshterë dhe 185 nënoficerë dhe shefa të përbashkët. Ato ndahen në gjashtë departamente: Operacione, Detare, Detaje/Armë, Detare/Elektrike, Administrative/Logjistike dhe Shërbime Shëndetësore.
Fushata e Instruksionit sheh pjesëmarrjen e rreth 400 individëve, duke përfshirë 100 kadetë në vit dhe staf mbështetës nga Akademia Detare.
Anija ndërmorri një tur turistik mbarëbotëror që nga viti 2023 dhe e mbylli këtë vit, me vizitën në më shumë se 30 porte në 27 vende. Ajo është tashmë edhe një ambasador i UNESCO-s dhe UNICEF-it.
Anija legjendare italiane, 'Amerigo Vespucci' në lundrim
Amerigo Vespucci, anija trajnuese historike dhe ikonike e Marinës Italiane, ka nisur një turne 20-mujor nëpër botë, duke filluar më 1 korrik 2023.
Me një kthim në port të planifikuar për 26 shkurt 2025, anija do të udhëtojë afërsisht 40,000 milje.
E ngarkuar në maj 1930 dhe e lëshuar në shkurt 1931, anija hyri në shërbim në korrik të të njëjtit vit si një anije stërvitore për Akademinë Detare të Livornos, me synimin për të trajnuar oficerët e ardhshëm për Marinën Mbretërore.
Sot ajo konsiderohet një xhevahir i vërtetë lundrues, një dëshmitare e nëntëdhjetë viteve të historisë italiane. Motoja e anijes është "Jo ai që fillon, por ai që këmbëngul".
Anija Vespucci njihet zakonisht si 'Ambasada Lundruese' e Italisë. Funksionet e tij kryesore janë të trajnojë kadetët e oficerëve dhe të sigurojë përvoja të veçanta lundrimi. Për më tepër, ai ofron mundësi bashkëpunimi dhe nxjerr në pah imazhin e Italisë, duke shfaqur përsosmërinë e produkteve italiane dhe simbolike. Anija mishëron traditën dhe kulturën historike të Italisë për botën.
Anija mban emrin Amerigo Vespucci, eksploruesi i famshëm i lindur në një familje të pasur dhe fisnike në Firence në vitin 1454. Vespucci u takua me Kristofor Kolombin në Spanjë dhe u frymëzua nga udhëtimet e tij zbuluese. Megjithëse numri i saktë i udhëtimeve të bëra nga Vespucci nuk dihet, studimet e fundit sugjerojnë se ai bëri katër.
Dy udhëtimet e para u kryen në emër të Kurorës Spanjolle, duke filluar në 1497 me eksplorimin e Gjirit të Meksikës dhe bregut të Atlantikut të Shteteve të Bashkuara. Udhëtimet më pas vazhduan drejt jugut drejt grykës së Rio de las Amazonas dhe Kepit Sao Agostinho.
Dy udhëtimet e fundit u porositën nga Mbreti i Portugalisë dhe ndoqën një rrugë që përfshinte ishujt Cape Verde, brigjet e Atlantikut të Amerikës së Jugut (nga Guiana në Patagoni) dhe Gjirin e Rio de Janeiro në 1502.
Mbërrijnë në Portin e Durrësit 3 anijet italiane, njëra prej të cilave, “Libra”, i dhurohet Flotës Detare të Shqipërisë. Mes anijeve që u ankoruan në port është edhe e famshmja historike dhe muze "Amerigo Vespucci", e cilësuar edhe si anija më e bukur në botë. E dyta është katamarani "Lo spirito di stella", i cili ka qëllim kauzat sociale dhe drejtohet nga persona me aftësi ndryshe, kurse e treta është anija patrulluese "Libra", e cila do t'i dhurohet Forcës Detare shqiptare.
Ky lajm ishte ndarë prej javës së kaluar dhe me këtë mjet lundrues Forcat e Armatosura përforcohen në misionet patrulluese në det të hapur.
Komente
