Java e tretë e Superligës nis me një ndeshje të shumëpritur si Tirana-Vllaznia, ose siç njihet ndryshe derbi i Shqipërisë. Të dy skuadrat që përballen të premten në orën 16:00 në stadiumin ‘Selman Stërmasi’ vijnë nga fitoret në fundjavë.
“Kjo është klasike dhe Vllaznia është rivali historik i Tiranës se është derbi i Shqipërisë, por edhe kundërshtar momental. Një skuadër që gjithmonë kanë objektiva për të qenë në majë dhe për rrjedhojë rivalët tonë direkt,”-u shpreh Orges Shehi, trajner i Tiranës.
“S’kemi patur fat në Europë dhe shpresoj ta kemi në kampionat, aty ku na ka munguar dhe goli. Një klasike luhet për ta fituar dhe Tirana është agti për këtë,"-deklaroi Alban Aleksi, futbollist i Tiranës.
Kundër Kukësit Vllaznia mori një fitore me ‘zemër në dorë’, ndërsa tani synojnë të vijojnë në këtë rrugë.
“Do jetë një skuadër në fushë që e dua të jetë shumë solide. Marrja e tre pikëve e qetëson skuadrën, ambientin, por edhe ne si trajnerë,”-tha Mirel Josa, trajner i Vllaznisë.
Katër sfidat e tjera të javës së tretë do të luhen të shtunën dhe të dielën.
Komente
