Vllaznia-Partizani është sfida e parë hapëse e javës së 30 të Superligës, që premton emocione të shumta. Të dy skuadrat pretendojnë kualifikimin në Kupat e Europës me shkodranët të cilët kërkojnë të ruajnë pozicionin e tretë, ndërsa tek të kuqtë ka një ndienjë hakmarrje pas eliminimit në gjysmëfinale të Kupës.
“Është një ndeshje shumë e rëndësishme për të dyja skuadrat, por duhet patur parasysh se ato kanë një bonus shumë të madhe emocional sepse janë skuadra që na eliminuan pas penalltive në gjysmëfinale të Kupës,”-tha Dritan Mehmeti, trajner i Partizanit.
Te Vllaznia kërkojnë edhe njëherë mbështetjen e tifozëve në Loro Boriçi.
“Shpresoj që të jenë sërish siç ishin në Kupë, pasi do japim shumë më shumë që të marrim fitoren,”-deklaroi Esin Hakaj, futbollist i Vllaznisë.
Komente
