Sipas burimeve të raportuara policia e Vlorës, ka vijuar aksioni për kapjen dhe arrestimin e personave të shpallur në kërkim. Strukturat Policore të Sektorit për Hetimin e Krimeve të Rënda në Drejtorinë Vendore të Policisë Vlorë, në vijim të punës për kapjen dhe ndalimin e personave të shpallur në kërkim, kanë bërë të mundur ekzekutimin e Urdhrit të Ndalimit ndaj një personi të shpallur në kërkim në fushën e Krimeve ndaj Personit, konkretisht: Genti Bana, 33 vjeç, banues në Vlorë.
Për Genti Bana Gjykata e Shkallës së Parë Vlorë ka caktuar masën e sigurisë ''Arrest në burg'', për veprën penale ''Vrasja me dashje, e mbetur në tentativë''
Ngjarje ka ndodhur më datë 15 prill të vitit të kaluar në lagjen ''Isa Boletini'', ku personi në fjalë, Genti Bana ka tentuar të vrasë me mjete prerëse L.M. Ndërsa, materialet hetimore i kaluan Prokurorisë së Rrethit Gjyqësor Vlorë për veprime të mëtejshme.
