Një plagosje me armë zjarri ka ndodhur këtë të hënë në qytetin e Vlorës. Ngjarja ka ndodhur pranë shkollës së naftës.
Arsen Arif Gerbi, 51 vjeç, është qëlluar në këmbë me një plumb pistolete, nga një person i paidentifikuar. Ai është dërguar me urgjencë në spitalin e Vlorës, ku mësohet se ndodhet jashtë rrezikut për jetën.
Policia po heton për shkaqet e ngjarjes dhe identifikimin e arrestimin e autorit.
Njoftimi i policisë:
Vlorë
Informacion paraprak
Më datë 16.04.2018, në lagjen “Rilindja”, është plagosur në këmbë me armë zjarri, nga një person i paidentifikuar shtetasi A.G., 51 vjeç. Shtetasi është transportuar në Spitalin Rajonal Vlorë për të marrë ndihmën e nevojshme mjekësore, aktualisht jashtë rrezikut për jetën.
Grupi hetimor po punon për zbardhjen e sqarimin e plotë të rrethanave të ngjarjes, dhe për identifikimin e kapjen e autorit.