TIRANË- Dy persona janë vënë në pranga nga policia në Tiranë pasi kanë vjedhur mobilierinë ku ata punonin. Të arrestuarit janë 35-vjeçari, Florenc Begu dhe 31-vjeçari, Sevastian Maci. Dy të arrestuarit në bashkëpunim edhe me dhe dy të tjerë kanë vjedhur në mobilierinë "Castellino Home" mall me vlerë 16 mln lekë.
Sipas policisë dy bashkëpunëtorët e tjerë janë vënë në hetim. Bregu dhe Maci mësohet se janë magazinier dhe përgjegjës në mobilieri. Dy personat e vënë në hetim, kanë prodhuar mobilie dhe i kanë shitur ato pa i deklaruar.
“Tiranë/Finalizohet operacioni policor i koduar “Wrong calculation”. Vodhën në mobilierinë ku punonin, materiale pune, prodhuan mobilie dhe i shitën pa i deklaruar, vihen në pranga 2 shtetas, procedohen penalisht 2 bashkëpunëtorët e tyre.
Specialistët për Hetimin e Krimeve Ekonomike dhe Financiare, në kuadër të veprimeve hetimore të kryera mbi kallëzimin e adiministratores së një kompanie me veprimtari në fushën e prodhimit dhe tregtimit të mobilieve, për vjedhje nga disa punonjës, organizuan dhe finalizuan në drejtimin e Prokurorisë, operacionin policor të koduar “Ërong Calculation”.
Si rezultat i operacionit: u ndaluan shtetasit S. M., 31 vjeç, dhe F. B., 35 vjeç, me detyra respektive magazinier dhe përgjegjës në një mobilieri; nisi procedimi penal për shtetasit K. D., 47 vjeç dhe O. D., 32 vjeç, me detyra përgjegjesa në mobilieri.
Nga hetimet dyshohet se këta shtetas, në bashkëpunim me njëri-tjetrin, duke shpërdoruar detyrat, kanë vjedhur materiale pune, kanë prodhuar mobilie me to dhe i kanë shitur ato, pa i deklaruar. Ata i kanë shkaktuar kompanisë, 16 milionë lekë të rinj dëm”, thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
Komente
