TIRANË- Tre të rinj janë arrestuar nga policia e Tiranës pasi kanë vjedhur në një banesë në zonën e Astirit, disa çanta dhe aksesorë me vlerë rreth 15 mijë euro.
Konkretisht në kuadër të operacionit ‘Falco’ policia ka arrestuar Leonard Ballën, 25-vjeç, Denis Myftari 23 vjeç dhe Ervin Xaka 21 vjeç, të tre banues në Fushë-Krujë.
Po ashtu është vënë në pranga dhe një 34-vjeçar Florjan Çela, pronar i një argjendarie, i cili dyshohet se ka blerë sendet e vjedhura nga 3 autorët e dyshuar.
‘Nga veprimet hetimore dyshohet se, më datë 13.09.2024, në rrugën "Astrit Losha", shtetasi D. B., ka ruajtur shtetasin L. B., i cili ka hyrë në një banesë dhe ka vjedhur sende me vlerë (çanta të markave të kushtueshme dhe aksesorë të tjerë) me vlerë rreth 15 000 euro. Më pas bashkëpunëtori i tyre, shtetasi E. X., ka marrë këta dy shtetas me automjet dhe i ka larguar nga vendi i ngjarjes.
Në cilësinë e provës materiale janë sekuestruar disa nga sendet e vjedhura të gjetura në dyqanin e shtetasit F. C. Materialet i kaluan Prokurorisë.’- njofton policia.
