Një 40-vjeçar ka rënë në prangat e policisë së Tiranës pas dyshohet se ka vjedhur para dhe sende/artikuj të ndryshëm në 5 dyqane, ndërsa ka tentuar të vjedhë edhe një dyqan tjetër.
Policia njofton se Alban Dalanaj ka qenë i dënuar më parë për të njëjtën veprimtari kriminale.
Ndërkohë siç shihet edhe nga pamjet e siguruara nga uniformat blu, autori lëvizte me monopatinë për të kryer vjedhjet.
Operacioni u kodua "Quick Response".
Njoftimi i policisë:
Në vijim të punës për parandalimin e vjedhjeve dhe zbardhjen e atyre të ndodhura më parë, shërbimet e Komisariatit të Policisë Nr. 2, pas provave të siguruara nga puna hetimore dhe këqyrjes së kamerave të sigurisë, finalizuan operacionin e koduar "Quick Response".
Në kuadër të të cilit u vu në pranga shtetasi A. D., 40 vjeç, banues në Ksamil, me precedent të mëparshëm penal.
Nga hetimet dyshohet se ky shtetas ka vjedhur shuma parash dhe sende/artikuj të ndryshëm në 5 dyqane, si dhe ka tentuar të vjedhë në 1 dyqan tjetër.
Punohet për të zbardhur vjedhje të tjera që mund të ketë kryer 40-vjeçari.
Materialet procedurale iu referuan Prokurorisë së Tiranës, për veprime të mëtejshme.
Komente
