Tirana 2-2 Partizani, ky është rezultati i serisë play-off në finalet e kampionatit kombëtar të volejbollit për meshkuj. Tanimë titulli kampion në Shqipëri do vendoset në ndeshjen e pestë që luhet ditën e shtunë.
Në Parkun Olimpik "Feti Borova", Partizani fitoi 0-3 ndeshjen e katërt dhe barazoi 2-2 serinë e ndeshjeve. Në parket djemtë e Ylli Tomorrit ishin më të saktë duke fituar në tre setet.
12-25, 19-25 dhe 22-25, këto janë pikët për secilin set me të kuqtë që ia dolën të barazonin 2-2 serinë e takimeve, pasi në dy ndeshjet e para fitoi Tirana e Arben Sakos.
Kështu, fituesi i këtij edicioni në volejboll do vendoset të shtunën në ndeshjen e pestë dhe finale.
Komento
Komente
