TIRANE- Lulzim Basha, kreu i Demokratëve Euroatlantikë deklaron votën kundër ndryshimeve në Kodin Zgjedhor lidhur me votën e diasporës.
"Nuk bëhemi pjesë e pazarit Rama-Berisha”ka thënë Basha duke iu përgjigjur interesit të gazetarëve
“Rama dhe Berisha nuk kanë interes që diaspora të votojë. Gjithçka e kanë bërë për të kontrolluar votën e saj në bashkëpunim me njëri-tjetrin. Ata nuk kanë interes për zgjedhje të lira dhe të ndershme, por synojnë t’i përdorin ato në funksion të pazarit të tyre: Rama qeverinë, Berisha opozitën.
"Kjo është arsyeja pse mbyllën listat. Kjo është arsyeja pse nuk lejojnë votimin dhe numërimin elektronik, brenda dhe jashtë vendit. Ata po veprojnë në koordinim të plotë për të penguar ndryshimin, por nuk do t’ia dalin. Siç kemi propozuar që nga dita e parë, do të bëjmë gjithçka për të garantuar zgjedhje të lira dhe të ndershme. Një gjë është e sigurt: diasporën nuk do ta përdorin dot për hallet e tyre”
Ky reagim i Bashës vjen pas interesimit të mediave nëse në situatën kur PD ka vendosur të kushtëzojë votën e diasporës, do të votojë apo jo ndryshimet në Kod për votën e diasporës.
Ndërkohë Enkelejd Alibeaj drejtuesi i ‘Djathtas 1912’ e kushtëzon me hapjen e listave.
Ndërkohë edhe Enkelejd Alibeaj ‘ kushtëzon’ votën.
I pyetur nga Report Tv Alibeaj tha se do votonte çdo ndryshim por me një kusht, të hapen listat:
“Arsyetimi eshte i thjeshte: votojme cdo lehtesi dhe komoditet te votes se diaspores, por shqiptareve (edhe atyre te diaspores) iu duhet dhene e drejta e plote e zgjedhjes, pra edhe listat e hapura. Diaspora nuk mund te konsiderohet si nje placke lufte elektorale qe te agresohet nga pushteti per vota” tha ai për Report Tv, informon gazetarja Danjela Maloku.
Edhe ish deputetja e PD-së tani e renditur krah 'Djathtas 1912' thotë se është kundër pazarit Rama- Berisha.
"Këto janë vetëm kozmetikë e atij Kodi, të cilit i kam qenë kundër. Deri mbrëmë, Opozita nuk do ta votonte, madje PS nisi peshkimin për votat, pasi votimi në korrik dhe marrëveshja që bëri Opozita e dëmtuan shumë. Nëse ndryshon deri të enjten, do të thotë se janë marrë vesh sërish. Kush e di kleringun tonë politik! Votimi me postë nuk ka asnjë pikë sigurie, njerëzit do të votojnë në grup dhe palët i kanë ndarë territoret. Çdo kozmetikë nuk e ndryshon thelbin: Opozita i dha mbi 10 mandate Edi Ramës më 27 korrik, me kushtin që Sali Berisha të njihej si Opozita. Dhe Opozita të mos reformohej. Nga jashtë nuk do ta kisha kuptuar këtë, por aty brenda, edhe pse u përpoqën ta fshehin me flakë e tym, ujdia ndodhi."
Lajmi ne perditesim...
Komente
