Drejtuesja politike e PD për diasporën, Jozefina Topalli ka ngritur sërish shqetësimin për shpërndarjen e zarfeve të votimit në shtetin e Greqisë. Në një deklaratë për mediat, Topalli tha se njerëz të paidentikfuar po marrin zarfet e votimit në qendrat e shërbimeve postare. Topalli tha se ky është manipulim i procesit zgjedhor në Greqi, ndërsa shtoi se kanë dyshime se e gjithë kjo situatë e krijuar në Greqi po kryhet nga partia në pushtet.
“Unë dua të shpreh një shqetësim të thellë, serioz dhe urgjent në fakt, për çfarë po ndodh edhe në këtë moment, edhe dje, pardje dhe pesë ditë më parë në Greqi. Vijojnë të vijnë informacione që në ato që quhen qendra të shërbimeve postave që zakonisht janë lokale të lojërave të fatit, njerëz të paidentifikuar, pa i kërkuar identifikimin e tyre, marrin jo 1, por 10-20-50 dhe 100 zarfe votimit dhe i kthejnë në këto lokale ka firmë dhe pa shenjë identifikimi të tyre. Nëse një votë hidhet në një lokal të lojërave të fatit, në errësirë, pa identifikim dhe pa firmë të personit që i merr, sigurisht që kjo është një votë që nuk mund të vlerësohet.
Nuk jemi thjeshtë në kushtet e një shkelje ligjore, kur ky fenomen nuk është vetëm në një zonë, por është shpërndarë në të gjithë territorin, në të gjithë lokalet e lojërave të fatit, sigurisht kjo e ka emrin manipulim të procesit zgjedhor në Greqi. Kjo ka bërë që ne për të disatën herë të reagojmë. Unë sot i bëj thirrje ODIHR dhe OSBE të kenë një fokus të veçantë me procesin që po ndodh në Greqi. Një monitorim ndërkombëtar i mbi procesin që ka kaluar jashtë kontrollit dhe që për ne, gjykojmë dhe kemi të gjitha dyshimet se po kryhet nga partia në pushtet, ne kërkojmë mbështetjen dhe monitorimin ndërkombëtar”, tha Topalli.
Topalli u shpreh se kërkojnë mbështetjen dhe monitorimin ndërkombëtar, ndërsa një thirrje e ka edhe për SPAK.
“I rikthehemi dhe i bëjmë thirrje KQZ të bëjë auditimin e të gjithë kutive të votimit, mënyrën e transportit të tyre së bashku me fletët e votimit që kanë çuar në Greqi, dhe transportit të tyre nga Greqia në Shqipëri. I kërkojmë SPAK të nisë një hetim penal dhe ti përgjigjet pyetjeve se kush janë ato të cilët po përdorin dhe po kryejnë veprime ekstraligjore dhe po marrin pa identifikim dhe nënshkrim votën që është një vullnet i besimit të qytetarëve shqiptarë të cilët duhet ta kenë lirinë e tyre dhe për të sjellë vullnetin e tyre”, theksoi Topalli.
Topalli më tej tha se ka persona që janë regjistruar për të votuar në diapsorë, por mdërkohë emri u rezulton edhe në listën e votuesve në territorin shqiptar, duke thënë se është shkelje e Kodit Zgjedhor.
“Jo vetëm në një rast, por në qindra raste, po ndodh që ata që kanë votuar jashtë, të gjejnë emrin e tyre në lista të cilët mund të votojnë dhe në Shqipëri. Jemi në kushtet kur nuk është respektuar kodi zgjedhor, që ata që regjistrohen në PER kanë emrin e tyre në një listë të veçantë dhe ata që nuk janë regjistruar, nuk mund të vijnë të votojnë në Shqipëri. Pra kemi edhe raste të tilla”, vijoi Topalli.
Në fund, Topalli i bëri sërish thirrje OSBE-ODHIR për vëzhgim ndërkombëtar, ndërsa tha se ajo që po ndodh në Greqi është një kapitull i një krimi zgjedhor.
“Do i bëj thirrje edhe njëherë thirrje OSBE-ODIHR që në kushtet ekstraligjore të menaxhimit të procesit zgjedhor, ose më mirë të daljes jashtë kontrollit të procesit zgjedhor në Greqi, monitorimi ndërkombëtar është imperativ për një proces zgjedhor që do të ishte normal.
Ajo që po ndodh në Greqi është një rast i veçantë, por nuk është hera e parë që ka pasur problematika dhe shkelje në vende të tjera. Për shembull, në Italinë e jugut, ka pasur dhe atje shkelje apo përpjekje për të korruptuar postierët.
Ajo që po ndodh në Greqi është një kapitull i një krimi zgjedhor, manipulimi politik i votave që po ndodh atje. Shkuarja për të tërhequr pa identifikim për të marrë zarfin, apo për të dorëzuar zarfet, faktikisht e bën të pavlefshme votën që është marrë në mënyrë jashtëligjore. Pra, këto raste janë krime zgjedhore dhe janë një manipulim i procesit zgjedhor.
Kjo nuk është dita e parë që po flasim për këtë temë, gjatë gjithë kësaj jave në mënyrë të përditshme kemi dalë për të tërhequr vëmendjen dhe për t’i bërë thirrje KQZ-së që të kërkojë llogari, pasi DHL, si nënkontraktor, ka dalë jashtë kontrolli dhe ne kemi dyshime të thella që po kontrollohen nga njerëz të pushtetit, sepse gjithë procesi është dezintegruar. Ky është një cenim i rëndë i integritetit zgjedhor në shtetin grek.
Përsëris, kjo nuk është thjesht një shkelje e ligjit, por është një proces që ka dalë jashtë kontrolli. Prandaj po kërkojmë edhe OSBE/ODIHR, sepse ky vëzhgim ndërkombëtar është i domosdoshëm”, përfundoi Topalli.
Pas problematikave me shpërndarjen e zarfeve zgjedhorë në diasporë, Partia Demokratike i kërkoi KQZ-së, të bëhet një audit për integritetin e këtij procesi. Sipas shkresës së dorëzuar, PD-ja argumenton se shkeljet më të rënda janë regjistruar në Greqi, por probleme ka pasur edhe në Itali.
Komente
Te doli zeri moj laraska
PërgjigjuSapo filloj vallja e e shpifjeve për manipulim të votave dhe mos njohjen e zgjedhjeve nga Partia e krimit.
Përgjigju