Ilirjan Celibashi, kreu i KQZ

Politikë

Vota e Diasporës/ KQZ kërkon fond shtesë dhe punonjës nga Kuvendi e Financat, totali i postës shkon në 12,5 mln euro (DOKUMENTET)

Për votën e emigrantëve Komisioni Qendror i Zgjedhjeve kërkon edhe 7,5 mln euro të tjera shtesë, pasi 5 i kishte pasur në dispozicion. Shkak numri i madh i regjistrimeve, pritet të shkojë 250 mijë. Kërkohen edhe 80 punonjës shtesë

25 Shkurt, 10:31| Përditesimi: 25 Shkurt, 11:02

  • Share

Komisioni Qendror i Zgjedhjeve i drejtohet Kuvendit të Shqipërisë dhe Ministrisë së Financave për fond shtesë për votën e Diasporës dhe mbulimin e postës, sikurse edhe për shtim të stafit me punonjës në kuadër të zgjedhjeve parlamentare të 11 Majit.

Totali i postës për diasporën që kërkohet të mbulohet si shpenzim është 12,5 mln euro. Nga këto 5 mln euro ishin dhe shtesa është 7,5 mln euro.

KQZ kërkoi gjithashtu edhe 80 punonjës shtesë për Diasporën, pasi regjistrimet parashikohet se do të shkojnë tek shifra 250 mijë emigrantë. 

Të gjitha këto informacione janë përfshirë në dy kërkesat e drejtuara Kuvendit dhe Financave, me specifikimet teknike përkatëse dhe detajimet sipas pozicioneve, me një preventiv total.

Gjithashtu KQZ ka vendosur të zhvillojë edhe votimin elektronik për disa zona në qarkun e Tiranës.

Shifrat financiare sipas KQZ:
-7.5 mln euro për shërbimin postar 
-263 mijë euro për sistemet TIK-kamera etj.
-61 mijë euro baza materiale 
-300 mijë euro fushata informuese 
-280 mijë euro paga e sigurime për punonjësit e përkohshëm 
-870 mijë euro suport për votimin elektronik 
-105 mijë euro rikonstruksion i sallës së serverave

Kliko këtu për të lexuar dokumentin e plotë 

Kliko këtu për të lexuar dokumentin e plotë

A.Q/ReportTv.al
Komento

Komente

  • Sondazhi i ditës:

    A mendoni se vota e Diasporës do jetë përcaktuese më 11 maj?