Një ditë pasi socialist dhe demokratë bashkuan votat te Komisioni i Ligjeve për ndryshimet në Kodin Zgjedhor në lidhje me votën e Diasporës në zgjedhjet e 11 Majit, zbardhet edhe drafti.
Gazetarja e Report TV, Esiona Konomi ka siguruar këtë draft që i ka kaluar Kuvendit dhe gjendet në zyrën e kryeparlamentares Elisa Spiropali, teksa nesër pritet të miratohet në Parlamentar.
Socialistët dhe demokratët bashkuan votat në Komisionin e Ligjeve duke votuar të gjitha kërkesat e KQZ-së që lehtësojnë votën e diasporës. Emigrantët nuk do të paguajnë asnjë lek për pagesën e postës për kthimin e votës në Shqipëri.
Por, PS nuk pranoi që të votojnë edhe ata emigrantë që nuk kanë fare dokumente shqiptare identifikimi.
Edhe pse Sali Berisha e kishte deklaruar këtë si kryekusht e pa të, nuk do të votonte asnjë tjetër, deputetët demokratët bënë të kundërtën. Ata votuan afate të reja, bashkë me PS-në, për të dorëzuar emrat e kandidatëve që në 12 mars, në mënyrë që KQZ të prodhojë më shpejt fletën e votimi, për ta dërguar në kohë në diasporë.
PS i plotësoi opozitës kërkesën tjetër, që numërimi i votës së diasporës të bëhet me komisionerë partiakë. Ngelet për tu parë të enjten në seancë plenare nëse demokratët do ta ruajnë votën pro, kur pritet të vulosen rregullat e lojës për votën e 11 majit.
Kliko këtu për të lexuar dokumentin e plotë
Komente
