Pas debateve dhe përplasjeve të shumta Kuvendi vendosi të rrëzojë me 77 vota kundër të maxhorancës propozimin e Presidentit Ilir Meta për kreun e Kontrollit të Lartë Shtetëror.
Bahri Shaqiri është kandidatura e dytë e refuzuar për të drejtuar institucionin e KLSH pasi një muaj më parë u rrëzua kandidatura e propozuar për Vitore Tushën anëtare e gjykatës Kushtetuese.
Kanditatura e Shaqirit u rrëzua edhe më herët nga Komisioni i Ekonomisë. Gjatë seancës plenare të ditës së sotme u miratua kërkesa e deputetëve për ngritjen e Komisionin Hetimor për çështjen e Gent Cakaj. Ky komision do të drejtohet nga Enkeled Alibeaj, si dhe anëtarë do të jenë Ervin Salianji, Xhemal Gjunkshi, Ermonela Felaj, Xhemal Qefalia, Spartak Braho, Alket Hyseni, dhe Klotilda Bushka.
Në votimin e kësaj të enjte nuk kanë marrë pjesë deputetët e opozitës të cilët janë larguar në fund të seancës plenare , duke lënë karta e votimit .Në kuvend me votat e maxhorancës u miratua edhe projektligji për “Sigurinë e Digave”. Me 76 vota gjithashtu u miratua projektligji për “Pajisjen me pasaportë”, dhe akti normativ për buxhetin e vitit 2018.
Lajmi kryesor: