Kryetari i bashkisë së Maliqit, Gëzim Topçiu ka reaguar për vrasjen e 14-vjeçarit Erald Xhejo pasditen e djeshme nga një bashkëmoshatar në lokalin e fshatit Pirg. Në një reagim në rrjete sociale, ai ka shprehur ngushëllimet për familjen e 14-vjeçarit, ndërsa ka përcjellë edhe një mesazh për t’i dhënë fund dhunës.
Kryebashkiaku ka shkuar edhe në banesën e familjarëve të viktimës për t’u shprehur ngushëllimet.
“E rëndë për të gjithë ne ngjarja në Pirg, ku i riu 14-vjeçar Erald Xhejo ka humbur jetën nga dhuna mes bashkëmoshatarëve. Ngushëllime të sinqerta familjes për këtë humbje të pazëvendësueshme. U prehtë në paqe! Apeli shkon për të gjithë në këtë ditë të vështirë: Stop dhunës, bashkëjetesësa duhet të jetë bazë e themelit të familjes e shoqërisë tonë!”, shkruan ai.
Lajmi kryesor:
‘Pse më shikon’, zbardhet dinamika e vrasjes së 14-vjeçarit në Maliq! Arrestohet autori i mitur, babai, xhaxhai i tij dhe 5 të tjerë! Goditja në zemër rezultoi fatale
Xh.D/I.M/ReportTv.al
