Vrasja e studentes shqiptare në Itali, Ilaria Sula ka qenë kryefjala e mediave gjatë orëve të fundit. Në lidhje me këtë akt makabër, gazetarja Ornela Hila ka thënë se edhe pse i riu e pranoi krimin nuk ka dhënë detaje më të hollësishme.
“E ka pranuar krimin, madje ai drejtoi edhe policët drejt vendit ku kishte hedhur valixhen brenda së cilës kishte fshehur trupin e 23-vjeçares. Djali ka dhënë pak detaje në lidhje me krimin. Ka konfirmuar se natën e vrasjes në shtëpi kanë qenë të pranishëm. Nuk ka akuza të drejtëpërdrejta për prindërit nëse e kanë ndihmuar vrasjen apo e kanë ndihmuar në fshehjen e trupit”, tha Ornela Hila.
Më tej ajo ka nënvizuar se të rinjtë frekuentonin të dy universitetin, madje Ilaria ka qenë studente shumë e mirë.
“Ka qenë studentja më e mirë në degën e statistikës, ndërsa Marko ka qenë për arkirtekturë. Kanë punuar së bashku në një fastfood”, shtoi ajo.
Sa i përket zhdukjes dhe vrasjes së të resë, Hila thotë se djali ishte shfaqur i shqetësuar te shoqet e viktimës.
"I riu ka bërë ka bërë postime në rrjete sociale në emër të saj. Nuk kanë munguar edhe mesazhet me shoqet e saj ku thoshte jam nisur diku por do kthehem. Kanë qenë fillimisht shoqet e vajzës që janë shqetësuar për zhdukjen e saj në 25 mars dhe më pastaj ishin prindërit e saj që e denoncuan zhdukjen e Ilarias. Ish i dashuri ka shkuar te banesa ku ajo banonte me shoqet e saj ku ishte shfaqur si i shqetësuar për humbjen e saj", tha ajo.
Ndërkohë do të jetë autopsia ajo që do të përcaktojë nëse vajza është vrarë natën 25 marsit apo më herët
"Paraprakisht dyshohet se mund të jetë vrarë 48-orë para gjetjes së trupit, pra më 30 apo 31 mars", tha Hila.
Sa i përket zhdukjes dhe vrasjes së të resë, Hila thotë se djali u ndalua nga policia pasi celulari i vajzës u gjet afër banesës ku jetonte 23-vjeçari.
"Djali ka kërkuar të jetë pjesë e kërkimeve nga policia. Shkak që policia arriti te 23-vjeçari ka qenë telefoni i vajzës që kishte ditë që e mbante. Valët, antenat treguan se celulari ishte pranë banesës ku jetonte djali", shtoi ajo teksa theksoi se i riu është ndaluar për veprat penale vrasje dhe fshehje të kufomës.
Në fund të intervistës Hila nënvizoi se vrasja e grave është rritur në Itali. Gjatë 2024-ës janë vrarë 117 të reja nga partnerët apo ish-partnerët.
Komente
