TIRANË- Dy ditë pas vrasjes misterioze të taksistit, Abdulla Budlla, policia identifikon autorin e ekzekutimit të 71 vjeçarit.Burime nga grupi hetimor bëjnë me dije se ngjarja është drejt zbardhjes dhe dokumentimit të plotë ku dyshohet se shkak për eliminimin e tij fizik është bërë një konflikt në fisin e Budllës.
Operacioni është ende në vijimësi, me uniformat blu që vijojnë kontrollet në zonën e Rinasit dhe atë të Fushë Krujës për të mësuar nëse ka persona të tjerë të përfshirë në këtë ngjarje.
Ndërkohë ne policinë e Tiranës ka disa të shoqëruar të cilët dyshohen se janë të përfshirë në ngjarjen e 2 ditëve më parë ku mbeti i vrarë taksisti Abdulla Budlla ndërsa vijon puna për kapjen e automjetit të përdorur nga autorët.
71-vjeçari baba i 3 djemve dhe 1 vajze u ekzekutua pasditen e 3 gushtit në zonën e Fushë Prezës në aksin që lidhet me Aeroportin e Rinasit. 7 plumba të dala nga automatiku i morën jetën taksistit që punonte në të zezë, me autorët që u kujdesën për të mos lënë asnjë gjurmë në vendin e ngjarjes duke mos lënë asnjë gëzhojë.
Abdulla Budlla ishte një person pa precedent të mëparshëm penal e që njihej nga fqinjët në fshatin Ahmetaq si një njeri i qetë dhe shembullor.
