Në Gjykatë e Posaçme Kundër Korrupsionit dhe Krimit të Organizuar (GJKKO), u zhvillua seanca e radhës lidhur me atentatin e ndodhur 1 nëntor 2019 në Shkozet ku mbeti i vrarë shoferi Andi Maloku dhe u plagos ish-prokurori, sot deputeti i PD-së Arjan Ndoj dhe Pëllumb Muharremi i njohur ndryshe si Rrumi i Shijakut. Të pandehur në këtë proces gjyqësor janë Plaurent Dervishaj dhe Julian Meçe.
Në këtë seancë për të dëshmuar është thirrur babai i viktimës Andi Maloku, Genci Maloku, dhe bashkëjetuesja e Arben Mërkurit alias Ismaili, ky i fundit i ekzekutuar në maj të vitit 2022.
‘Shtetasja Sh’, bashkëjetuesja e Arben Mërkurit, është shprehur se nuk i ka njohur ndonjëherë shokët e partnerit të saj, (referuar dy të pandehurve) dhe se nuk ka pasur dijeni për aktivitetin e tij kriminal.
“Unë banoj në Sukth Durrës. Arben Merkuri ishte bashkëjetuesi im. Unë nuk i kam njohur asnjë shok të tij. Arben Merkuri ka ndërruar jetë në Maj 2022. Kemi një dyqan në Sukth. Ka punuar edhe në bashki. Ka pasur më përpara mbiemrin Ismaili. Në vitin 2020 ka vdekur motra e burrit në Itali. Plaurent Derivshaj nuk e njoh. Ne nuk dimë asgjë se si është vrarë.
Kam 15 vite qe kam bashkëjetuar me Arben Mërkurin. S’di gjë fare për shokët e burrit as me kë shoqërohej. Kam dy fëmijë nga bashkëjetesa. Mbaj mend që ka pas një telefon. Nuk ka pasur asnjëherë probleme me drejtësinë. Ditën kur u vra Arbeni kemi qenë bashkë, dikush e mori në telefon dhe sa zbriti shkallët dëgjuam zhurmë armësh. Djali më tha kanë vrarë babin. Nuk di gjë kush e ka bërë vrasjen. Biznesin e kam të rregullt me dokumente”, tha ajo.
Në këtë moment ka ndërhyrë Plaurent Dervishaj, i cili i është referuar Arben Ismajlit si vrasës me pagesë dhe se më parë ka dhunuar dhe gazetarë.
Plaurent Dervishaj: A ke marr vesh ca është fol për burrin tënd? Burri jot flitet se ka qenë vrasës me pagesë. S’ka grua që i thotë burrit “shko vrit”
Shtetësja SH: Nuk është e vërtetë.
Plaurent Dervishaj: Burri jot dhunonte dy gazetare, e ke parë.
Shtetësja SH: Nuk e kam parë.
Ndërkohë Genci Maloku, babai i të ndjerit Ani Maloku është përplasur gjithashtu me të pandehurin Plaurent Dervishaj duke i kërkuar llogari për vrasjen e djalit. Në dëshminë e tij, Genci Maloku tregon se është telefonuar nga djali në momentin e ngjarjes, i cili ndërroi jetë 7 ditë më pas në spital.
Ai tregon se ‘Rrumi i Shijakut’, i ka thënë ditën që i kanë shkuar tek shtëpia, se vrasja është porositur nga Plaurent Dervishaj.
Genci Maloku, babai i Andi Malokut i cili ngeli i vrarë pas atentatit në Sukth ndaj Arjan Ndojt, është përplasur në GJKKO me Plaurent Dervishajn, të akuzuarin si porositës të këtij atentati.
Genci Maloku i ka kërkuar Plaurent arsyen e vrasjes së djalit të tij. Ndërsa Dervishaj i tha se duhet të vinte që ta takonte personalisht.
Përplasja:
Plaurent Dervishaj: Kur Rrumi ka përmend emrin tim, të ka thënë gjë tjetër?
Genci Maloku: Jo nuk e dinte fare mbi arsyet . Arben Merkurin e njoh e di qe thirrej me nofkën Maneci. Në telefon me ka ardhur një mesazh në emër te Plaurenti Dervishaj. Më ka shkruar jam Plaurenti. Kam bërë kallëzim tek komisariati6
Mirë djalin po mua, pse ke dashtur më vrarë pa ju bwrw asgjë?
Plaurent Dervishaj: Hajde me tako një ditë dhe ta sqaroj.
Genci Maloku: Pse ma ke vrarë djalin? Ca te bëri djali?
Plaurent Dervishaj: A te ka permend Rrumi emrin tim?
Dëshmitari tjetër që u paraqit para GJKKO, është Genci Maloku, babai i Andi Malokut që mbeti viktimë në atentatin ndaj Arjan Ndoj në Sukth.
Ai tha së në momentin e ngjarjes tragjike, djali e kishte telefonuar dhe i kishte thënë që i kishin qëlluar. Më tej ai tha se ‘Rrumi’ i kishte thënë që atentatin e ka paguar Plaurent Dervishaj dhe grupi i tij.
Dëshmia:
Genci Maloku: Djali ka qenë kamerier, dhe pastaj shoferi i prokurorit. 1 muaj para ngjarjes është punësuar. Lëvizte me mjetin qe ndodhi ngjarja. Arjan Ndoja punonte në Durrës prokuror.
Ditën e ngjarjes isha në shpi. Më mori djali, jam keq o babë na kanë gjuajt. Ka qenë ora 4:30, 5 sa po dilja me pi kafe. Babi kështu kështu na kanë gjuajt. Mendova se po bënte shaka.
Kam shkuar në Spitalin Ushtarak. Kam folur me djalin dhe më tha po ecshim, nuk ishim shpejt dhe kur na del një makinë. Kishin qenë në një restorant. Na makinë bashkë me djalin ka qenë prokurori dhe Rrumi.
Pas ngjarjes jam taku me Arjanin na ka ardhur te shtëpia, Rrumi ishte në spital. Djali ndërroi jetë pas 7 ditësh. Doja ta dija arsyen pse ka ndodhur.
Arjan Ndoja dhe Rrumi nuk dinin gjë, më pas më tha Rrumi se vrasjen e ka paguar Plaurent Dervishaj me grupin e tij.
Kanë ardhur familjaret e Redjan Rrajës te shtëpia. Ata kanë ardhur me porosi te babës Redjanit dhe aq than s’kemi konflikte. Unë i thash dua ta di të vërtetën. Arjol Halilaj erdhi e njoh nga TV. Halit Valteri e njoh e thirra unë. Një usb ma lan te porta dhe në të kishte një burrë me kapele Redjan Rraja dhe nja qeros dhe duken që ikën kur kanë dashur me djeg makinën.
Un di që autoret janë këto që kanë me burg. Palurent Dervishaj dhe Jualian Mecaj nuk i njoh. Vullnet Muçen është vëllai i Rrumit e kam takuar. Unë akoma se kam mësuar për kë kanë gjuajt ,a për Rrumin a për Arjanin?
Komente
