Teksa mori pjesë në homazhet për gjyqtarin e vrarë ditën e djeshme Astrit Kalaja, gjyqtari Fuat Vjerdha tha në një prononcim për Report Tv, se pajisjet e detektorëve të Gjykatës së Apelit, mund të kenë pasur probleme.
Ndërsa i pyetur mbi kërcënimet, Vjerdha tha se nuk janë përballur me kërcënime.
“Tashti duhen kontrollet me ato pajisjet, por këshilli i Gjykatës ka caktuar një person për çdo sallë e gjyqi. Ato pajisjet më duhet se nuk funksionojnë, më duket se kanë kohë që nuk funksionojnë. Deri më tani nuk ka kërcënime. Ka pasur ndonjë reagim, por kërcënime të paktën aty ku punoj unë nuk ka pasur”, tha ai.
Ndërsa sa i përket rastit të familjes Shkambi, gjyqtari Vjerdha ka deklaruar se ky se ky konflikt daton që nga viti 1994, kur është bërë privatizimi i godinës.
“Kjo është një çështja me shumë problematika. Ka filluar që në vitin 1994, kur Gjykata e Apelit ia ka njohur këtë pronësi familjes Shkambi. I kontestuar nga shumë persona, pasi Bashkia e Shkodrës kishte strehuar rreth 30 familje dhe këtu ka nisur konflikti. Deri sa ato arritën të bëjnë privatizimin e ndërtesës, kërkuan që të hynin në posedim të banesës dhe të nxirrnin banorët jashtë. Këtë konflikt kanë pasur”, tha gjyqtari Vjerdha.
Lajmi kryesor:
U vra në sallën e gjyqit, njerëzit e drejtësisë pranë familjes së gjyqtarit Kalaja: Shqetësim kushtet e sigurisë në Gjykata! Nesër nderime shtetërore
A.D/r.k./ReportTv.al