Tirane- Agresion të neveritshëm i konsideroi kryeministri Edi Rama akuzat në drejtim të policisë së shtetit dhe Urgjencës kombëtare se nuk kanë reaguar në kohë dhe se policia ka tentuar të fshehë ngjarjen në vrasjen e 42-vjeçarit Egli Proga në Pogradec. Sipas kreut të Qeverisë hetimet konkluduan se autoritetet kanë vepruar konform ligjit dhe rregullave.
Indinjatën dhe skandalizimin e publikut për ndryshimin e pakuptueshëm të akuzës nga prokuroria që lehtësoi pozitat e autorit, Rama e quan të mirëkuptueshme në reagimin e tij në X, por se nuk do të komentojë qëndrimin e organeve të drejtësisë.
Njësoj si Drejtori i Policisë së shtetit Muhamet Rrumbullaku, edhe kryeministri Rama foli për keqinformim të qëllimshëm.
Sot Policia e Shtetit dhe Urgjenca Kombëtare dhanë publikisht provat që hedhin poshtë agresionin e neveritshëm ndaj tyre lidhur me ngjarjen tragjike të Pogradecit, ku policia u akuzua pa asnjë bazë sikur tentoi të fshihte ngjarjen, ndërsa urgjenca sikur u vonua tejmase në dhënien e ndihmës për viktimën.
Në fakt të gjitha provat tregojnë e dokumentuara, qoftë të operacionit policor e qoftë të sistemit elektronik të Urgjencës Kombëtare tregojnë, se Policia e arrestoi në kohë rekord autorin për “Vrasje me dashje” dhe Urgjenca iu përgjigj në 7 minuta thirrjes për ndihmë!
“Vrasja nga pakujdesia” e ngritur si akuzë nga Prokuroria, e cila tingëllon e pakuptueshme për këdo që është njohur me dinamikën e kësaj ngjarjeje tragjike, nuk ka asnjë lidhje me Policinë e Shtetit apo me punonjësit e urgjencës, të cilët e kanë kryer detyrën me profesionalizëm dhe integritet të plotë ligjor e moral.
Ky është edhe konkluzioni i Agjencisë së Mbikqyrjes Policore, e cila është angazhuar nga Ministria e Brendshme, menjëherë pas daljes së pretendimeve apo fabrikimeve mbi rrjedhën e ngjarjes, duke kryer kontrollin e të gjitha hapave të operacionit për kapjen e autorit të vrasjes.
Duke mos komentuar qëndrimin e organeve të drejtësisë, por duke mirëkuptuar plotësisht indinjatën e kujtdo që ndjehet i skandalizuar nga akuza e ngritur nga Prokuroria, bashkohem me thirrjen e Policisë së Shtetit për të gjitha burimet e përgjegjshme të informimit, që t’i referohen dokumentave të operacionit të policisë si edhe të shërbimit të urgjencës, për të luftuar dizinformimin dhe keqinformimin e qëllimshëm të publikut, duke luajtur me një vdekje tragjike për lloj-lloj motivesh të dobëta politike, mediatike apo edhe thjesht jonjerëzore' shkruan Rama në X.
Prokurorja e çështjes, Vasjana Postol zbuti akuzën për 29-vjeçarin Denis Meçe. Policia e kishte referuar ngjarjen si vrasje me dashje, akuzë që dënohet nga 10 deri në 20 vjet burg. Por, rrahja brutale për vdekje që Denis Meçe i ka bërë Egli Progës, për prokuroren e çështjes Vasjana Postol është cilësuar si vrasje nga pakujdesia. Kjo vepër penale dënohet me gjobë ose me burgim deri në 5 vjet. Autori është nipi i Valter Gora, ish-drejtor i Postës Shqiptare.
Komente
Me kete rolin e donkishotit po merr mandatin e katert. Cfare populli paskemi qene...
PërgjigjuSi duket kryeidioti Rama nuk e di qe prokuroria jo policia ngre akuze. E ndryshoi thote a thua akuzen e ben policia. Cfare pyke shelg fare.
PërgjigjuPO IK O EDVIN SE NA JE BO SI GOGOLI SHAPIM DOT LAJMET SE VETEM TI DHE BALLAKU DILNI.... KY ORA ËSHTË SHTETI JOT... FUKARAIN E VRASIN.... POLICIA E DREJTSIA IA HEDHIN FAJIN NJËRA TJETRËS PËR PAFTËSI.... DEL TI SI AVOKAT I POLICIS, AVIKAT I S.TAHIRIT, SI AVOKAT I ÇEKAPIT, AVOKAT I INÇENERATORVE, AVOKT I A.AHMETËS, AVOKAT I 5D, AVOKAT I VLLAIT TAT E NË FUND THUA KAN HANGER DARDHA MAS SHPINËS.....
PërgjigjuNuk di ne se e keni vene re, por gradualisht po ndertohet shteti i te forteve. Vritet njeriu dhe askush nuk ka ze te flase, vritet prindi i dy femijeve dhe prokurorja thote pakujdesi (do ti uroja prokurores te kete ndonje pakujdesi tek familjaret e saj), polici kthen koken menjane. Dhe keta dreq te forte jane perhere te parekshem, nga ana e pushtetit, i duan te gjithe! Çudi?
PërgjigjuO Zoti Edi Rama kam njē pyetje pēr ty kushe drejton drejtēsin ? Kush e pagon ktē padrejtēsi ? Kush e Kontrollon ? Po pēr ça je ti kryeministēr ? Pēr tē ruajtur derrat ? Pushoje pra nga puna ktē flliqsir gjyqtare qē tē zēn mend tē tjerēt.
PërgjigjuHajdar vellai, drejtesia eshte pushtet i pavarur nga ekzekutivi, nderhyrja e KM do te ishte skandal. Ky eshte sistemi qe kemi zgjedhur.
Deshtak e qesharak kryeminister. Deshtove te beje shtet e po degradon per dite e me shume. Sot nuk ka nje ligj a rregull qe respektohet ne kete vend. Askush nuk ka frike as nga polici e as nga ligji. Te votuam te beje shtet e jo te beheshe palocoja gazmor i fashisteve te Evropes.
PërgjigjuNe vijim te ketyre rrethanave nuk dilet vetem me "dekllarata". Ndaj ketyre manipulimeve te Prokurorise, Institucionet Shteterore (Policia, Urgjenca, Ministria e Brendshme, Ministria e Shendetesise dhe Kryeminisgtria) mbajne qendrim serioz dhe behen juridikisht pale ne procesin hetimor dhe ate gjyqesor (ne krah te viktimes e familjes se tij) me te gjithe forcen dhe energjine e specialisteve dhe juristeve qe ka.
PërgjigjuUnè pyes vetveten shpesh, pse ne shqiptarèt nuk dimè tè kursejmè as lekèt tona? Kujt i duhen ministrat,,,psh ai i punève tè brèndshme,,,,i punève tè jashtme apo ai kulturès dhe sportit,,,apo ai apo ajo e infrastrukturès,,,,,kur tè gjitha kèto dikastere,,,i mbulon kryeministri ynè i nderuar, qè i hèngèrt goja mjaltè. Sa herè qè realiteti kèrkon praninè e shtetit,,,dhe policia bèn atè qè gjithonè bèn,,,dmth ASGJÈ,,,,nuk del ministri i brendshèm tu pèrgjigjet pyetjeve por kryeministri. Ik aty,,,se ju jini kot,,,hapi krahun ustait,,,boll me pilivesa kètu. Duhet tè jesh EUNUK tè vazhdosh "punèn" si ministèr i brendshèm pas aksioneve tè tilla mediatike. Kjo qeveri,,,,èshtè qeveri fasadash,,,,qeveri e propagandès qè kèrkon idiotin si qytetar dhe jo atè qè èshtè kritik dhe njeh tè drejtat e tij. Vazhdo lojèn "USTA". Pèr ty èshtè lojè,,,pèr shqiptarèt,,,,funeral.!!!
PërgjigjuS'jam jurist, por nga rrethanat sme duket vrasje me dashje, se kush do te te vrase nuk te qellon dy grushta. Ngushellime se i ri, prind, punetor. Fatkeqesi
PërgjigjuÇ'far rëndësi ka,se vrau me dashje apo jo?,dhe si e vrau.Viktima iku nga jeta,nuk jeton më.Fakti tregon se edhe grushi vret ( dhe ka shumë raste që kan vdekur nga nji grusht).Drejësi për viktimën:
Vrasje nga pakujdesia eshte kur shtyp dike se harrove te kontrollosh pasqyren. Kur qellon dike ne koke, me sa fuqi ke, je i ndergjegjshem se mund t’i marresh edhe jeten. Nuk eshte hera e pare qe vdes dikush ne vend pasi e qellon me grusht ne koke nje halabak. Ka ndodhur me nje kamarier ne Elbasan dhe me nje ndertues ne Vlore dhe eshte raportuar gjeresisht ne media. Pastaj, nese e evitojne akuzen e vrasjes me dashje te gjithe ata qe te vrasin me grushta a nuk do behej kjo menyra e preferuar per te vrare dike?