Dhoma e Avokatisë ka shprehur ngushëllimet për vrasjen e gjyqtarit Astrit Kalaja dhe dënuar këtë ngjarje, duke e konsideruar si goditje për të gjithë sistemin e drejtësisë.
Në reagim, Dhoma e Avokatisë ngre alarmin për sigurinë në gjykata.
Dhoma e Avokatisë u bën thirrje edhe avokatëve që të ndërgjegjësojnë palët në proceset penale, civile dhe administrative.
Reagimi i Dhomës së Avokatisë:
Të tronditur thellësisht nga ngjarja, lidhur me vrasjen në ambjentet e gjykatës të gjyqtarit të Gjykatës së Apelit të Juridiksionit të Pergjithshëm, kolegut dhe mikut tonë Astrit Kalaja, trupa e avokatëve i përcjell familjes ngushëllimet më të thella. Kjo ngjarje është gjithashtu një goditje për të gjithë sistemin e drejtësisë dhe shtetit të së drejtës. Kjo ngjarje, për këdo është një thirrje alarmi për sigurinë, së pari të jetës dhe shëndetit të kolegëve, gjyqtarëve dhe prokurorëve, dhe njëkohësisht një thirrje edhe për avokatët për thellimin e punës për ndërgjegjësimin e palëve në procese penale, civile dhe administrative për ç'ka atyre ju takon ligjërisht dhe për pritshmëritë në proceset ku ata përfaqësojnë palët.
Kryetari Dhomes Avokatise Shqiperise
Prof Dr. Maksim HAXHIA
Lajmi kryesor:
REAGIMET për vrasjen e Kalasë/ Drejtësia: Alarm për sigurinë e gjyqtarëve! Begaj: Akt makabër! Rama: Përgjigje ekstreme autorit! Opozita: Tronditëse
V.GJ /ReportTv.al
