Durrës-Gjykata e Durrësit ka shtyrë më 19 shtator (ora 09:45) seancën për Arbër Paplekaj, i cili ka kërkuar lirimin me kusht. Në seancën e sotme mungonte Paplekaj i cili u përfaqësua nga avokati i tij Marash Martini.
Gjyqtari i çështjes Rexhep Bekteshi vendosi shtyrjen e seancës për në shtator për shkak të mungesës së përfaqësuesit të Zyrës së Shërbimit të Provës i cili duhej të jepte informacione lidhur me kushtet e kërkesës për lirim të Paplekajt.
Shtyrja për në shtator u vendos edhe për shkak të impenjimit të gjyqtarit Bekteshi në Kolegjin Zgjedhor në Tiranë.
Paplekaj është dënuar me 7 vite burg për vrasjen e Pjerin Xhuvanit në Elbasan, më datë 21 Prill 2021, vetëm pak ditë përpara zgjedhjeve parlamentare të 2021.
Ish-efektivi i RENEA, Paplekaj, e kërkon lirimin me kusht me argumentin se ka vuajtur më shumë se gjysmën e dënimit.
Më 1 Korrik 2024, Gjykata e Apelit ndryshoi cilësimin e veprës penale ndaj Arbër Paplekajt, nga vrasje në rrethana cilësuese, në vrasje në kushtet e tronditjes psikike.
Për këtë arsye e dënoi me 7 vite burgim.
Pjerin Xhuvani, përkrahës i PS, u vra më 21 prill 2021, 4 ditë para zgjedhjeve parlamentare të 25 prillit 2021.
Ngjarja ndodhi pas përplasjes mes shtabeve elektorale ku struktura informale e ngritur PD-ja për të mbrojtur votat ndaluan makinën e Mehmet Grecës, me pretendimin se po shpërndante para në këmbim të votave për PS. Ky i fundi thirri në ndihmë Pjerin Xhuvanin. Nga PD ishte struktura për Mbrojtjen e Votës e ngritur në Elbasan nga PD, pjesë e të cilës ishte dhe Paplekaj.
Nga shkëmbimi i zjarrit mbeti i vrarë Pjerin Xhuvani dhe të plagosur nga radhët e PD-së, Emiljani Prenga dhe Paulin Vuksani, dhëndri i Xhuvanit, Edjon Budani dhe efektivja e policisë Xhensila Sota.
Komente
Shkon maloku ne elbasan si strukture kriminale vret nje njeri pa arme ne dore , edhe denohet 7 vjet ???!!! Sot do e lirojn dhe me kusht !
PërgjigjuSa e lirë është jeta në Shqipëri i mer jetën tjetrit dhe dënohesh 6 apo 7 vjet...të dhjefsha drejtësinë...prandaj ka kaq shumë krime sot....tani ky vrasës kërkon lirinë ai tjetri është kalbur në dhe,prandaj ndodhin hakmarrjet sepse drejtësia është e korruptuar,nxirrni malokun të vrasin ndonjë tjetër se është i fortë...
Përgjigju