TIRANË- Zbardhet dëshmia e babit të Santiago Malkos të dhënë para trupës gjykuese në procesin gjyqësor kundër Blendi Tetës dhe 8 personave të tjerë.
Burime bëjnë të ditur se babai i 27-vjeçarit ka thënë që lajmin e ka mësuar nga televizioni, gjithashtu në momentin kur ka vajtur në vendin e ngjarjes nuk ka pasur asnjë postbllok policie, teksa thekson se nuk ka qenë në dijeni që djali i tij të ketë pasur konflikte.
“Unë nuk kam pasur dijeni që djali im të kishte konflikte me ndonjë person. Nuk njoh asnjë nga personat e dyshuar”, mësohet të ketë thënë ai.
Po i njëjti burim thotë se në seancë nuk u paraqit bashkëshortja e viktimës, Dea Malko. Sipas policisë bashkëshortja e ish-punonjësit të policisë është larguar jashtë vendit.
Ndërkohë në kërkim për këtë çështje janë Leonard Duka, 33 vjeç; Erlis Duka, 29 vjeç; Ilir Selmani, 34 vjeç; Oltian Loga, 38 vjeç; Dritan Agaj, 38 vjeç; Fatmir Hyseni Musai, 42 vjeç Aleksandër Maxhaku, 37 vjeç; Xhoni Nica, 24 vjeç.
