Është arrestuar në Maqedoninë e Veriut, Remzi Azemi, narko-trafikanti i kërkuar nga Interpoli për trafik droge dhe i akuzuar për vrasjen e shqiptarit Ilir Hidrit në Ekuador në maj të vitit 2017.
“Interpol realizoi kapjen e Azemi Remzi në Maqedoninë e Veriut me njoftim të kuq për veprën penale të vrasjes së ndodhur në vitin 2017”- njoftojnë autoritetet ekuadoriane.
Azemi ishte i dyshuari kryesor për vrasjen e Ilir Hidrit. Ekzekutimi i këtij të fundit ndodhi pas një atentati që iu bë Remzi Azemit në qendër të Guayaquilit. Dyshohet se vrasja ka ndodhur pas konflikteve mes autorit dhe viktimës sa i takon trafikut të lëndëve narkotike nga Amerika e Jugut drejt Europës.
Banda e Azemit i cili ka shtetësi kosovare, akuzohej për ruajtjen e sasive të mëdha të drogës në Guayaquil, të cilat i kishin bërë gati për t’i sjellë në Europë. Ata dyshohej se kishin personel të infiltruar në zonat administrative të porteve, gjë që ua mundësonte atyre t’i merrnin listat e kontenierëve dhe t’i përzgjidhnin ato që ishin të destinuara për në Europë.
Autoritetet ekuadoriane kishin lëshuar një urdhër arresti ndërkombëtar ndaj tij në vitin 2021. Tashmë pritet ekstradimi i tij drejt shtetit të Amerikës së Jugut.
Report Tv ka siguruar foton e Remzi Azemit, narko-trafikantit i cili u arrestuar sot në Maqedoninë e Veriut dhe akuzohet për vrasjen e shqiptarit Ilir Hidrit në Ekuador në maj të vitit 2017.
Azemi ishte i dyshuari kryesor për vrasjen e Ilir Hidrit. Ekzekutimi i këtij të fundit ndodhi pas një atentati që iu bë Remzi Azemit në qendër të Guayaquilit. Dyshohet se vrasja ka ndodhur pas konflikteve mes autorit dhe viktimës sa i takon trafikut të lëndëve narkotike nga Amerika e Jugut drejt Europës.
