Bruksel- Vrasja e muratorit shqiptar Shpëtim Ayvazi mbrëmjen e të dielës së 25 Gushtit në Machelen, periferi e Brukselit në Belgjikë, nga fqinji i tij italian, Renato F., ka lënë shumë dhimbje pas tek familjarët, të njohurit dhe banorët e lagjes së shtrenjtë.
Dhe pikërisht mosmarrëveshjet për vendet e parkimit në këtë zonë të cilësuar si “luksi” apo “shumë e lakmuar”, ka sjellë edhe denigrimin e situatës në gjakderdhje: 43-vjeçari baba i te fëmijëve u vra me plumb në kokë brenda furgonit të tij, kushëriri 19-vjeçar u plagos rëndë në gjoks teksa parkonte veturën e tij “Golf” dhe u tentua vrasja e gruas dhe djalit 15-vjeçar të viktimës.
Hidrauliku 61-vjeçar, fqinj i shqiptarit, tashmë është arrestuar dhe ndodhet në paraburgim për disa akuza. Dëshmitarët rrëfejnë se sherret kishin nisur prej shumë kohësh dhe si viktima, ashtu edhe autori, dispononin disa makina dhe nuk kishin dakordësi për vendet e parkimit në rrugën para pallatit ku jetonin:
“Për më tepër që kjo është një zonë tepër e shtrenjtë dhe nuk gjen lehtë vende parkimi”, thanë banorët për median belge “Het Laatste Nieuws”.
Policia belge në vendngjarje pas krimit
As policia belge nuk e kishte zgjidhur dot konfliktin e dy burrave, edhe pse kishte ardhur disa herë në lagje pas konflikteve dhe këshilluar hidraulikun Renato F., dhe Shpëtim Ayvazin.
Italiani ishte i divorcuar, jetonte vetëm dhe ishte baba i një djali 20-vjeçar.
Grindjet për parkimin në lagjen e shtrenjtë, dy burrat kishin nga disa makina
Motivi është i qartë për hetuesit. Në fakt, dy fqinjët kanë vite që grinden për një vend parkimi. Të dyja familjet kanë disa makina dhe vendet janë të shtrenjta në rrugët e tyre.
Madje, sipas një fqinji, policia ka ndërhyrë disa herë për këtë arsye.
"Ata nuk e humbën asnjë rast për të debatuar", thotë ai.
Policia gjatë hetimeve në zonë
Renato F.-së do t'i kishte vluar gjaku kur pa Golfin e kushëririt të Shpëtimit të parkuar para furgonit të tij. Dhe herë pas here njihej si gjaknxehtë.
Kushëriri: Jemi zemërthyer, a s’janë më në gjendje njerëzit të flasin mes tyre?!
Bashkim Ayvazi, kushëriri tjetër i Shpëtimit, mbetet mosbesues.
“Ne po humbasim një anëtar të familjes për një argument kaq të trashë. A ishte vërtet kjo zgjidhja e vetme? A nuk janë më në gjendje të flasin njerëzit me njëri-tjetrin? Jemi zemërthyer”, tregon ai.
Përveç bashkëshortes dhe djalit të madh, Shpëtimi ka lënë pas edhe dy fëmijë të tjerë 13 dhe 5 vjeç.
Shpëtim Ayvazi dhe policia belge në vendin ku ndodhi vrasja
Ai kishte punuar për 17 vjet në “Consteca”, një kompani suvatimi në Londerzeel.
“Ai ishte një punonjës besnik, askush nuk kishte asnjë problem me të”, thonë për të nga brenda kompanisë, duke theksuar se nuk shkaktonte kurrë probleme.
Gruaja dhe djali i 43-vjeçarit i shpëtuan vdekjes, italiani tentoi arratisjen
Sipas disa dëshmitarëve, pas të shtënave ka pasur panik total në lagje. Djali i madh dhe gruaja e Shpëtimit 15-vjeçar, të cilët ndodheshin në shtëpi në momentin e të shtënave, kanë dalë menjëherë në rrugë të mbushur me xhama të thyer dhe gjak.
Sipas një familjari, i ka kërcënuar Renato F., që po qëllonte nga trotuari me armën që mbante në banesë. Familjet jetonin ngjitur me njëra-tjetrën.
“Ai drejtoi armën drejt tyre, sikur të ishin të radhës. Aty e panë Shpëtim në furgonin e tij. E panë të vdiste, është e tmerrshme”, dëshmon Bashkim Ayvazi, një kushëri tjetër i viktimës.
Banorët e lagjes bëjnë homazhe në vendngjarje
Pasi ka kërcënuar edhe një fqinj tjetër që ka tentuar ta qetësojë, Renato F. ka ikur pas timonit të BMË-së së tij. Ai do të përgjohet nga policia pak më vonë në mbrëmje në E411 në Overijse. Italiani u arrestua drejtpërdrejt për vrasje dhe tentativë vrasjeje.
Mendime të ndara për italianin: Gjaknxehtë, por shumë punëtor
Për italianin Renato F., mendimet janë mjaft të ndara në lagje. Për disa banorë, 61-vjeçari i divorcuar prej disa vitesh, dhe baba i një djali rreth të njëzetat - ishte i ashpër dhe jo miqësor.
Të tjerët e konsiderojnë atë një fqinj të sjellshëm, gjithmonë të gatshëm për të ndihmuar. Edhe punëdhënësi i tij e lavdëron.
“Ai është një nga hidraulikët më të mirë që kam pasur ndonjëherë. Më fliste ndonjëherë për problemet me fqinjin e tij, i cili po i shkatërronte jetën me sjelljen e tij tiranike. Por, padyshim që të qëllosh dikë nuk është kurrë zgjidhje”, thekson ai.
I dyshuari është marrë në pyetje nga policia të hënën (26 Gusht). Shtëpia e tij si dhe ajo e viktimës u vulosën në pritje të rindërtimit të fakteve.
Komente
Po mesa duket kane folur per shume vite … po kushuriri paska preferuar prap te parkoje ne vend te gabuar. Hajt ngushellime me mire do behet. Mendoni qe u liruan dy vende parkimesh… budalle j njerez
PërgjigjuKan parku mire tani